مەمک و مژینی مەمک لە ئیسلامدا

 

مه‌مک و مژین

 

دیمه‌نی مەمک و مژین و گوشین و هەڵگڵۆفینی مه‌مکی ئافره‌تان، شێوازێکه‌ له‌ شێوازه‌کانی خرۆشاندنی سێکس، کرده‌و دیارده‌یه‌کی جیهانییه‌. به‌ڵام شێوه‌و روخسار، جۆرو ره‌نگ، یاریکردن و لێساندنه‌وه‌و مژینی گۆی مه‌مک، گوشین و هه‌ڵگڵۆفین، به‌ پێی خواست و ئاره‌زووی کۆمه‌ڵگه‌کان گۆڕاون. نابێت ئه‌وه‌شمان له‌بیر بچێت که‌ هه‌ندێک هه‌ن، نێر بن یان مێ، تێڕوانینی جیاوازیان هه‌یه‌و هه‌ر کۆمه‌ڵه‌و به‌ شێوه‌ی جیاواز به‌ بینین و یاری پێکردنی مه‌مک چێژی سێکس وه‌رده‌گرن.

له‌ نه‌رێتی نیوه‌ دورگه‌ی عه‌ره‌بدا، کلتوریان وابووەو ئێستاش تا ڕادەیەک هەروا ماوەتەوە  هه‌ر ژنێک مه‌مکی گه‌وره‌و سمتی به‌رز بوایه‌، به‌ختی شووکردنی باشتر بووه‌.[1] ئه‌و که‌نیزه‌کانه‌ی مه‌مکی گه‌وره‌یان بوو، له‌بازاڕه‌کاندا نرخی فرۆشتنیان زیاتری کردووه‌.[2] مه‌مک، جێی سه‌رنج و خرۆشاندنی عه‌ره‌به‌کانی نیوه‌ دوورگه‌و موسڵمانانی ناوچەکە بووه‌. له‌ ئه‌ده‌بی عه‌ره‌بدا بەهەزاران و بگرە زیاتریش شیعرو بەرهەمی ئەدەبی له‌م باره‌یه‌وه‌ ده‌دۆزینه‌وه‌. چیرۆکی والی و سه‌رکرده‌ به‌ناوبانگه‌کانی جیهانی ئیسلام له‌م باره‌یه‌وه‌ زۆرن. بۆ نموونه‌: حه‌ججاجی کوڕی یوسفی سه‌قه‌فی نامه‌یه‌کی بۆ مه‌روانی کوڕی حه‌که‌م نوسیوه‌، له‌و نامه‌یه‌دا داوای لێکردووه‌ ژنێکی بۆ بدۆزێته‌وه‌، بەڵام لەناوەڕکی نامەکەدا کۆمەڵێک خاڵی دیاری کردووە کە هیواخواز بووە ژنەکە لەو جۆرە بێت، ئەو لە نامەکەدا نوسیوێتی: له‌ دووره‌وه‌ جوان بێت و له‌نزیکه‌وه‌ نه‌رم و نیان بێت، له‌نه‌ته‌وه‌که‌ی خۆیدا شه‌ریف بێت و له‌ده‌روونی خۆیدا زه‌لیل بێت، خزمه‌تکاری مێرد بێت. مه‌روانیش له‌وه‌ڵامی نامه‌که‌یدا ده‌ڵێ: به‌راستی پێکات و ئه‌وه‌ی تۆ ده‌ته‌وێت ئه‌وه‌ (خولة بنت سمع)ـه‌ مه‌مکی زۆر زل و گه‌وره‌یه‌. حه‌جاجیش له‌نامه‌ی دووهه‌مدا بۆی ده‌نووسێ: ژن به‌بێ مه‌مکی گه‌وره‌ باش نییه‌، مه‌مکی گه‌وره‌ پیاو گه‌رم ده‌کاته‌وه‌و منداڵیش تێر ده‌کات.[3]

 قورئان باسی له‌ شاردنه‌وه‌ی درزی نێوان هه‌ردوو مه‌مک کردووه‌. زۆر به‌ ڕوونی باسی ئه‌و شوێنه‌ی کردووه‌، که‌ به‌ وشه‌ی (جُيُوبِهِنَّ) له‌ ئایه‌ته‌که‌دا هاتووه‌.[4] واته‌ سه‌روی نێوان درزی هه‌ردوو مه‌مک. له‌ ئایه‌تێکی قورئانیشدا  پێناسه‌ی مه‌مک کراوەو لەکاتی باسکردنی پەریەکانی بەهەشتدا خوا وا باسی ئەو پەرییانە دەکات کە پۆله‌ کیژی مه‌مک خڕی هاوته‌مه‌نن (وَكَوَاعِبَ أَتْرَابًا.[5]). هه‌بوونی ئایه‌تێکی له‌م چه‌شنه‌، جگه‌ له‌ نیشاندانی هه‌وه‌سی سێکسی پیاوی ئه‌و ناوچه‌یه‌ بۆ مه‌مک و درزه‌که‌ی له‌ قورئاندا، هه‌روه‌ها ئاماژه‌یه‌کیشه‌ بۆ گرنگی ئه‌م دیمه‌نه‌ی ئافره‌تان بۆ جولآندنی هه‌وه‌سی پیاو. ئه‌مه‌ش دانیشتاونی نیوه‌ دوورگه‌ی عه‌ره‌ب و تەواوی ناوچەکەی پێ له‌که‌دار ناکرێت، یاخود ئه‌وان داهێنه‌ری ئه‌م شێوه‌ چێژه‌ نین، به‌ڵام ئه‌وه‌ مایه‌ی سه‌رنجه‌ که‌ قورئان، به‌ گوته‌ی ئیسلامییه‌کان له‌ خواوه‌ دابه‌زیوه‌، له‌ ئه‌زه‌له‌وه‌ نوسراوه‌، ده‌شبێ بۆ هه‌تا هه‌تا یاسای لێوه‌ربگیرێت، که‌چی ئەم خوایە باسی ئه‌م شته‌ لاوه‌کیانه‌ بکات! له‌گه‌ڵ ئه‌وه‌شدا، نه‌ک هه‌ر له‌ناو کۆمه‌ڵگه‌ بێباوه‌ڕه‌کان به‌ ئیسلام، به‌ڵکو له‌ناو موسڵمانانیشدا قورئان نه‌یتوانیوه‌ یاساکه‌ به‌رقه‌رار بکات.

ئاشکرایه‌ مه‌مک، جگه‌ له‌ دیمه‌نه‌ سێکسییه‌که‌ی، به‌رهه‌مهێنی شیره‌. له‌ سه‌رده‌می کۆنی نیوه‌ دوورگه‌دا وا باو بووه‌، زۆربه‌ی ئه‌و مندالآنه‌ی که‌ له‌ خێزانه‌ سه‌رمایه‌داره‌کاندا له‌دایکده‌بوون، له‌ڕێی ژنێکی شیرده‌ره‌وه‌ به‌خێو ده‌کران و گه‌شه‌یان ده‌کرد. موحه‌ممه‌د یه‌کێک بووه‌ له‌و مندالآنه‌ی ماوه‌یه‌ک له‌لایه‌ن دایه‌نه‌وه‌ شیری پێدراوه‌. ئه‌و ژنه‌ شیرده‌رانه‌ی که‌ له‌و سه‌رده‌مه‌دا بۆ ئه‌و مه‌به‌سته‌ هه‌بوون، به‌ناوبانگ بوون و زۆربه‌شیان هه‌ژار بوون. له‌پێناوی ده‌ستکه‌وتی ئابووریدا شیرده‌رایی منداڵیان کردووه‌.[6]

نه‌رێتی پێش ئیسلام وابووه‌، ئه‌و مندالآنه‌ی لای یه‌ک دایه‌ن شیریان پێده‌درا، نه‌ده‌بوونه‌ خوشک و برای یه‌کتر، به‌ڵام ئیسلام ئه‌م نه‌رێته‌ی گۆڕی و منداڵی شیرده‌رایی کردنه‌ خوشک و برا. به‌م هۆیه‌وه‌ کاریگه‌ری به‌سه‌ر ته‌واوی بنه‌ماڵه‌وه‌ دانا.[7] ئه‌و ده‌وڵه‌مه‌ندانه‌ی منداڵه‌کانیان ده‌نارده‌ لای دایه‌ن، ناچاربوون بیاننێرنه‌ لای ئه‌و ژنانه‌ی که‌ زۆر چاک ده‌یانناسین، بۆ ئه‌وه‌ی له‌گه‌وره‌ بوونیاندا ئه‌و ژنانه‌ به‌سه‌ر بکه‌نه‌وه‌و توشی کێشه‌ی کۆمه‌ڵایه‌تی نه‌بن.

ئه‌وه‌ی شایانی باسه‌ ئیسلام داهێنانێکی نوێی بۆ ئه‌نجامدانی مژینی مه‌مک هێناوه‌ته‌ ئاراوه‌. نه‌ک بۆ وەرگرتنی چێژی سێکسی، به‌ڵکو بۆ خزمایه‌تی و چاره‌سه‌رکردنی کێشه‌ی کۆمه‌ڵایه‌تی. ئه‌و یاسایه‌ش مژینی مه‌مکی ئافره‌تانه‌ له‌لایه‌ن پیاوانه‌وه‌ به‌ حه‌لآڵی. گه‌ر پیاوێک ویستی ژنێکی بێگانه‌ له‌ خۆی حه‌رام بکات و ژنه‌که‌ وه‌ک دایکی یاخود وه‌ک خوشکی ببینێت، ئه‌وه‌ پێویسته‌ مه‌مکی ژنێکی ئه‌و خێزانه‌ بمژێت. گه‌ر ئه‌مه‌ ڕوویدا، ئه‌گه‌ر رۆژێک له‌ رۆژان، ئه‌و پیاوه‌ له‌گه‌ڵ ژنێکی ئه‌و خێزانه‌دا پێکه‌وه‌ بینران و که‌سیان له‌گه‌ڵ نه‌بوو، گومانی سێکسبازییان لێنەکرێت. ئەمەش یەکێکە لەسەرسوڕهێنەرترین دیاردە لە ئیسلامدا.

له‌ عائیشه‌ی ژنی موحه‌ممه‌ده‌وه‌ ده‌گێڕنه‌وه‌: (أَبَا حُذَيْفَةَ بْنَ عُتْبَةَ بْنِ رَبِيعَةَ) یه‌کێک ده‌بێت له‌ صه‌حابه‌کانی موحه‌ممه‌د، منداڵێکی به‌ ناوی (سالم) کردبوو به‌ کوڕی خۆی. به‌خێوی کردبوو تا گه‌وره‌ بووبوو. ژنێکیشی بۆ هێنابوو که‌ برازای خۆی بوو به‌ناوی (فَاطِمَةَ بِنْتَ الْوَلِيدِ بْنِ عُتْبَةَ بْنِ رَبِيعَةَ). ئه‌م نه‌رێته‌ش له‌ پێش سه‌رهه‌ڵدانی ئیسلامدا هه‌بووه‌و هه‌ر که‌سێک منداڵێکی هه‌تیوو، یان هه‌ژاری به‌خێو بکردایه‌، وه‌ک یه‌کێک له‌ کوڕه‌کانی خۆی هه‌ڵسوکه‌وتی له‌گه‌ڵ ده‌کرد، ده‌بووه‌ کوڕی ڕاسته‌قینه‌ی خۆی. له‌ خۆشی و ناخۆشیدا به‌شدار بوو، بمردایه‌، یاخود باوکه‌ به‌خێوکه‌ره‌که‌ی بمردایه‌، وه‌ک ئه‌ندامانی خێزانه‌که‌ به‌شه‌ میراتی به‌رده‌که‌وت. خه‌ڵکیش به‌ناوی باوکه‌ به‌خێوکه‌ره‌که‌یه‌وه‌ بانگیان ده‌کرد. په‌یامبه‌ری ئیسلام به‌م ئه‌زموونه‌دا رۆشتووه‌و منداڵێکی به‌خێو کردووه‌ به‌ناوی زه‌ید. کچه‌ پورزایه‌کی خۆشی به‌ناوی زه‌ینه‌ب کردووه‌ بەژنی، که‌نیزه‌کێکیشی پێداوه‌. ئه‌م پیاوه‌یان به‌ناوی باوکه‌ ره‌سه‌نه‌که‌ی خۆیه‌وه‌ بانگ نه‌ده‌کرد به‌ڵکو پێیان ده‌وت زه‌یدی کوڕی موحه‌ممه‌د. به‌ڵام ئیسلام، له‌به‌ر کێشه‌و غه‌ریزه‌ی سێکسی خودی موحه‌ممه‌د، ئه‌م نه‌رێته‌ جوانه‌ی سڕییه‌وه‌، ئه‌ویش به‌ ئایه‌ت:

(ادْعُوهُمْ لآبَائِهِمْ هُوَ أَقْسَطُ عِنْدَ اللَّهِ فَإِنْ لَمْ تَعْلَمُوا آبَاءَهُمْ فَإِخْوَانُكُمْ فِي الدِّينِ وَمَوَالِيكُمْ)[8]

ئه‌و مندالآنه‌ به‌ناوی باوکی خۆیانه‌وه‌ بانگ بکه‌ن، (واته‌ به‌ناوی ره‌سه‌نی باوانیانه‌وه‌) لای خوا ئه‌مه‌ په‌سه‌ندتره‌، ئه‌گه‌ر باوکیان لای ئێوه‌ نه‌ناسراون ئه‌وه‌ برای دینیتانن و ئێوه‌ به‌رپرسی ئه‌وانن.

ئه‌م یاسایه‌، هه‌ڵگرتنه‌وه‌ی منداڵه‌ هه‌تیوو بێکه‌سه‌کان و به‌خێوکردنیان، که‌ دابونه‌رێتێکی جوانی کۆمه‌ڵایه‌تی و مرۆڤایه‌تی بوو، له‌ناو موسڵماناندا نه‌ما. بۆ نموونه‌ (أَبَا حُذَيْفَةَ)و ژنه‌که‌شی (سَهْلَةُ بِنْتُ سُهَيْلٍ)، هەردوکیان منداڵێکیان بەناوی (سالم) بەخێوکردبوو، هەر له‌ منداڵییه‌وه‌ تا گه‌وره‌بوونی پێکەوە بوون و وەک کوڕی ڕاستەقینەی خۆیان هەڵسوکەوتیان لەگەڵ کردووەو ژنیشیان بۆ هێناوه‌، که‌چی به‌هۆی ئه‌م ئایه‌ته‌وه‌ باوک (أَبَا حُذَيْفَةَ) دڵی لەم (سالم)ـە پیس ده‌بێت، گوایه‌ ئه‌م کوڕه‌ بۆی هه‌یه‌ له‌گه‌ڵ سه‌هله‌دا سێکس بکات چونکە پێ حەرامە. ژنه‌که‌ش (سَهْلَة)ش به‌م خانه‌گومانه‌ی بۆ دەردەکەوێت کە لەدەروونی مێردەکەیدا هەیە. بۆ چاره‌سه‌رکردنی ئه‌م کێشه‌ کۆمه‌ڵایه‌تییه‌ سه‌هله‌ ده‌چێته‌ لای موحه‌ممه‌دو پێی ده‌ڵێت: سالم گه‌وره‌ بووه‌و بووه‌ به‌ پیاو، جار جار که‌ دێته‌ ژووره‌وه‌ بۆ لامان وا هه‌ست ده‌که‌م که‌ مێرده‌که‌م خانه‌گومان بێت. موحه‌ممه‌دیش پێی ده‌ڵێت: شیری بده‌رێ به‌م شێوه‌یه‌ بۆی حه‌رام ده‌بیت و دڵپیسی مێرده‌که‌شت نامێنێت. له‌ سه‌رگوزشته‌یه‌کی تردا هاتووه‌ که‌ موحه‌ممه‌د پێی وتووه‌: شیری مه‌مکه‌کانتی بده‌رێ. ژنه‌که‌ ده‌ڵێت: جا چۆن شتی وا ده‌بێت، سالم پیاوێکی گه‌وره‌یه‌، ڕیش و سمێڵی هه‌یه‌!؟ موحه‌ممه‌دیش بزه‌ ده‌یگرێ و ده‌ڵێت: ئه‌وه‌م ئه‌زانی که‌ گه‌وره‌یه‌، ته‌نانه‌ت شه‌ڕی به‌دریشی بینیوه‌. ئیتر ده‌ست ده‌کات به‌پێکه‌نین.[9] ژنه‌که‌ش وه‌های کردو مه‌مکی خسته‌ ده‌می پیاوه‌که‌وه‌.

له‌گه‌ڵ ئه‌وه‌ی پیاوان ڕیش و سمێڵیان هه‌بووه‌و ته‌مه‌نێکیان تێپه‌ڕاندووه‌، به‌ڵام به‌ناوی ئه‌وه‌ی ببنه‌ که‌سانی نزیک به‌ ژنه‌که‌، واته‌ به‌ حیله‌ی شه‌رعی، مه‌می ئافره‌تانیان مژیوه‌! ئه‌م یاسایه‌ تا ئێستاش به‌ حه‌لآڵی ماوه‌ته‌وه‌و ده‌قێکی شه‌رعییه‌، واته‌ بکه‌ر له‌ رووی عه‌قیده‌وه‌ ده‌توانێت به‌ ئه‌نجامی بگه‌یه‌نێت. ده‌قێکیش نییه‌ حه‌رامی کردبێت، به‌ڵام ته‌نها له‌ سه‌رده‌می موحه‌ممه‌ددا به‌ زۆری روویداوه‌و له‌دوای ئه‌و به‌ره‌و نه‌مان چووه‌، چونکه‌ ئه‌م یاسایه‌ له‌گه‌ڵ لۆژیکی مرۆڤایه‌تیدا یه‌کناگرێته‌وه‌!

به‌پێی یاساکه‌ به‌ مژینێک و دووان کرداره‌که‌ ناگاته‌ ئه‌نجام،[10] به‌ڵکو زۆر له‌وه‌ زیاتره‌. کاتی خۆی له‌قورئاندا ئایه‌ت هاتبووه‌ که‌ (ده‌) جار، له‌ (ده‌) کاتی جیاوازدا مژینه‌که‌ ئه‌نجام بدرێت ئه‌وسا کاره‌که‌ به‌شێوه‌یه‌کی شه‌رعی ئه‌نجام دراوه‌.[11] هه‌ر جاره‌ی یه‌ک خوله‌کیشی پێچووبێت، ماوه‌ی مه‌مک مژینه‌که‌، بۆ هه‌ر (ده‌) جاره‌که‌، ده‌کاته‌ ده‌ خوله‌ک. وا دیاره‌ (ده‌) خوله‌ک له‌ مژینی مه‌مک زۆر بووه‌و کێشه‌ی سێکسی ناوه‌ته‌وه‌، ڕه‌نگه‌ ژنانێک هه‌بن به‌و ماوه‌یه‌ چه‌ند جارێک بگه‌نه‌ ئۆرگازم.! به‌م هۆیه‌وه‌ موحەممەد ده‌ جاره‌که‌ی که‌م کردوه‌ته‌وه‌ بۆ پێنج جار.[12] که‌واته‌ ئێستا ده‌بێت پێنج جار کرداری مه‌مک مژین بگاته‌ ئه‌نجام. ئه‌گه‌ر مژینی زیاتر روو بدات، یاساکه‌ی نازانم چۆنه‌، به‌ڵام که‌متر له‌ پێنج جار نابێت. بۆ به‌ڵگه‌ش پیاوێک ده‌گێڕێته‌وه‌و ده‌ڵێت: عائیشه‌ ناردمی بۆ لای ئوم که‌لسومی خوشکی، پێی وت: ده‌ جار شیری بده‌رێ تا بتوانێت بێته‌ لام. ئوم که‌لسومیش سێ جار شیری دامێ و ئیتر نه‌خۆش که‌وت. جگه‌ له‌و سێ جاره‌ ئیتر شیری نه‌دامێ، منیش نه‌ده‌چووم بۆ لای عائیشه‌، چونکه‌ ئوم که‌لسوم ده‌ جار شیری نه‌دامێ.[13]

ره‌نگه‌ ئه‌م مژینه‌ له‌لای که‌سێکی وه‌ک سالم ئاسایی بێت، به‌تایبه‌ت بۆ ژنێک که‌ له‌ منداڵییه‌وه‌ به‌خێوی کردووه‌و وه‌ک دایکی راسته‌قینه‌ی دێته‌ به‌رچاوی. به‌ڵام بۆ که‌سانی نه‌ناسراوو نه‌دیوی ناو کۆمه‌ڵگه‌یه‌کی پڕ له‌ سێکس، تێگه‌یشتن و چاره‌سه‌رکردنی کێشه‌ کۆمه‌ڵایه‌تییه‌کان نییه‌، به‌ڵکو لێکدانه‌وه‌یه‌کی سێکسی هه‌یه‌. له‌سه‌رده‌می موحه‌ممه‌ددا ئه‌م دیارده‌یه‌ زۆر بووه‌، به‌ڵام ورده‌ ورده‌ به‌ره‌و نه‌مان چووه‌. بۆ راستی ئه‌م بۆچوونه‌شمان زۆرێک له‌ موسڵمانان ئه‌م دیارده‌یه‌یان پێ قبوڵ نه‌کراوه‌. به‌تایبه‌ت ژنه‌کانی موحه‌ممه‌د. وتوویانه‌ هه‌رگیز ئێمه‌ شتی وا ناکه‌ین و ئه‌م مه‌سه‌له‌یه‌ په‌یوه‌ندی ته‌نها به‌ کێشه‌که‌ی سالمه‌وه‌ هه‌یه‌ نه‌ک هه‌موو که‌س.[14] به‌ڵام لای عائیشه‌و حه‌فصه‌، که‌ هه‌ردوکیان ژنی موحه‌ممه‌د بوون، به‌ جۆرێکی تر هه‌ڵسوکه‌وتیان له‌گه‌ڵ ئه‌م یاسا ئیسلامیه‌دا کردووه‌. باوه‌ڕی ته‌واویان وا بووه‌ ئه‌م یاسایه‌ بۆ چاره‌سه‌رکردنی هه‌موو کێشه‌یه‌کی له‌و جۆره‌یە کە لە کۆمه‌ڵگاکەدا هەیە‌ نه‌ک ته‌نها بۆ کێشه‌ی یه‌ک که‌س. له‌به‌ر ئه‌م هۆیه‌ رێگه‌یان ده‌دا به‌ چه‌ندین پیاو، له‌هه‌ر کاتێکدا بێت، بۆیان هه‌یه‌ بچنه‌ لایان و دانیشن و قسه‌ بکه‌ن بێئه‌وه‌ی که‌س بیانبینێت، به‌و مه‌رجه‌ی له‌ رێگه‌ی شیرده‌راییه‌وه‌ ببنه‌ که‌سی یه‌کتری. جا له‌به‌ر ئه‌وه‌ی عائیشه‌و حه‌فصه‌ منداڵ بوون، ته‌مه‌نیان له‌ نێوان (9) بۆ (26) ساڵ بوو، به‌تایبه‌تی عائیشه‌ که‌ مه‌مکه‌کانی بچوک بوون، فه‌رمانی به‌ خوشکه‌که‌ی خۆی (أُمَّ كُلْثُوم بِنْتَ أبِي بَكْرٍ الصِّدِّيقِ) و کچانی براکه‌ی کردبوو شیر بده‌ن به‌و پیاوانه‌ی که‌ ده‌یانه‌وێت بچنه‌ لای.[15] حه‌فصه‌ش صه‌حابه‌یه‌کی ناردووه‌ به‌ناوی (ِعَاصِمِ بْنِ عَبْدِ اللَّهِ بْنِ سَعْدٍ) بۆ لای خوشکه‌که‌ی (فَاطِمَةَ بِنْتِ عُمَرَ بْنِ الْخَطَّابِ) تا ده‌ جار شیری بداتێ.[16] ئه‌و که‌سانه‌ی که‌ عائیشه‌ ناردبوونی بۆ شیرخواردن له‌لای خوشک و خوشکه‌زاو برازاکانی، زۆر بوون.[17] له‌به‌ر کێشه‌یه‌ک، که‌ نازانین چییه‌، بڕیاری دابوو ته‌نها ڕێگه‌ به‌و پیاوانه‌ بدات و له‌گه‌ڵیان دانیشێت که‌ خوشکه‌که‌ی و خوشکه‌زاکانی شیریان پێدابوو، ئه‌وانه‌شی ره‌ت ده‌کرده‌وه‌ که‌ ژنی براکانی شیرده‌راییان ده‌کرد.[18]

له‌م رێگه‌یه‌وه‌ عائیشه‌ توانیبووی له‌گه‌ڵ چه‌ندین پیاودا به‌ ته‌نیا دابنیشێت. ئه‌م کاره‌ی عائیشه‌ش به‌لای موحه‌ممه‌دی مێردییه‌وه‌ سه‌خت بووه‌و رۆژێک موحه‌ممه‌د له‌سه‌ر ئه‌و مه‌سه‌له‌یه‌ لێی توڕه‌ بووە. رۆژێکیان موحه‌ممه‌د ده‌چێته‌وە بۆ ماڵ، ده‌بینێت عائیشه‌ له‌گه‌ڵ پیاوێکدایه‌، دوو به‌ دوو دانیشتون. عائیشه‌ خۆی رووداوه‌که‌ ده‌گێڕێته‌وه‌و ده‌ڵێت: که‌ پەیامبەری خوا ئێمه‌ی بینی، تێکچوو، تووڕه‌بوونم له‌ ده‌موچاویدا بینی، منیش پێم وت: ئه‌ی په‌یامبه‌ری خوا ئه‌م پیاوه‌ برای شیریمه‌. ئەویش لەوەڵامدا وتی: باش ته‌ماشای برای شیریتان بکه‌ن، بشزانن که‌ شیرده‌رایی له‌ برسێتییه‌وه‌یه‌.[19] بەڵام ئەمە ڕێگەی لە عائیشە نەگرت ئەم برا شیردەراییەی زۆر بێت و که‌سێکی به‌ته‌مه‌ن  به‌ناوی (عَبْدِ اللَّهِ بْنِ يَزِيدَ) بکات بە برای شیردەرایی خۆی، ئەم پیاوە ڕێش و سمێڵ دارە مه‌مکی عائیشه‌ی مژیوه‌و وەک برای شیری عائیشه‌ به‌ناوبانگ بووه‌.[20]

مژینی مه‌مک بۆ خزمایه‌تی، دیارده‌یه‌کی رزیوی له‌م چه‌شنه‌، بۆ پینه‌په‌ڕۆکردنی ئه‌و متمانه‌یه‌یه‌ که‌ پیاوی موسڵمان به‌ دایک و ژن و خوشک و کچه‌کانی خۆیان نیانه‌. ئیسلام ویستویه‌تی دیارده‌یه‌کی ئاسایی به‌رچاوی مرۆڤایه‌تی، که‌ دانیشتن و قسه‌کردنی نێوان بوونه‌وه‌ره‌ ئاقڵه‌کانه‌، دیاردەیەکی ئاسایی نێوان ڕەگەزەکان و پراکتیزەکردنی ئاکارێکی ئاسایی ئینسانەکانە، بکاته‌ جۆرێک له‌ کێشه‌ کۆمه‌ڵایه‌تییه‌کان. له‌ کاتێکدا مژینی مه‌مک، لە کاتێکدا مژینی مەمک جگه‌ له‌ هێنانی کێشه‌، هیچ سوودێکی بۆ دیارده‌و کێشه‌ کۆمه‌ڵایه‌تییه‌کان دروست نەکردووە بەڵام تا ئێستا ئەمە بە حەڵاڵی ماوەتەوەو ئیسلام پێی وایه‌ هه‌ر نێرێک له‌گه‌ڵ هه‌ر مێیه‌کی نه‌ناسدا، پێکه‌وه‌ دابنیشن، یاخود قسه‌ بکه‌ن، ئه‌وه‌ باسی سێکس ده‌که‌ن و له‌سه‌ر کات و شێوه‌ی رابواردنیان رێکده‌که‌ون. هه‌موو نزیکبوونه‌وه‌یه‌کی نێرو مێی به‌ستووه‌ته‌وه‌ به‌ سێکسه‌وه‌. بۆیە دەبێت ئافرەتان ئەو گومانە لەلای پیاوە موسڵمانەکان بڕەوێننەوەو ڕێگە بدەن بەلایەنی کەمەوە پێنج جار مەمکیان بمژن.

 

 [1] السيسلي: د. عبدالحميد السيسلي: سايكولوجية الاخلاق . الطبعة الثانية، 1980دار الكتب الاسلامية، مصر.ص507

 [2] هه‌مان سه‌رچاوه‌ی پێشوو 517

[3] ابن قيم الجوزية: أخبار النساء ص 267

 [4] النور 31

[5] النبأ 33.

 [6] السيسلي: 767

 [7] هه‌مان سه‌رچاوه‌ی پێشوو 767

[8] الاحزاب 5                              

[9] صحيح مسلم، كتاب الرضاع، باب رضاعة الكبير. موطأ مالك، كتاب الرضاع، باب مَا جَاءَ فِي الرَّضَاعَةِ بَعْدَ الْكِبَرِ. حديث1781

[10] ("لا تحرِّم المصة ولا المصتان"). سنن ابي داود، كتاب النكاح، باب، هل يحرم ما دون خمس رضعات. 2063

المستدرك على الصحيحين: باب / أيضا في الرضاعة.

[11] (كان فيما أنزل اللّه عزوجل من القرآن: عشر رضعات يحرمن). صحيح مسلم، كتاب الرضاع، باب التحريم بخمس رضعات، حديث1452

[12] (نسخن بخمس معلومات يُحَرِّمن فتوفي النبي صلى اللّه عليه وسلم وهنَّ مما يقرأ من القرآن). صحيح مسلم، كتاب الرضاع، باب التحريم بخمس رضعات، حديث1452. سنن ابي داود، كتاب النكاح، باب، هل يحرم ما دون خمس رضعات. حديث2062

[13] (أَنَّ عَائِشَةَ أُمَّ الْمُؤْمِنِينَ، أَرْسَلَتْ بِهِ وَهُوَ يَرْضَعُ إِلَى أُخْتِهَا أُمِّ كُلْثُومٍ بِنْتِ أبِي بَكْرٍ الصِّدِّيقِ، فَقَالَتْ : أَرْضِعِيهِ عَشْرَ رَضَعَاتٍ، حَتَّى يَدْخُلَ عَلَيَّ. قَالَ سَالِمٌ : فَأَرْضَعَتْنِي أُمُّ كُلْثُومٍ ثَلاَثَ رَضَعَاتٍ، ثُمَّ مَرِضَتْ، فَلَمْ تُرْضِعْنِي غَيْرَ ثَلاَثِ رَضَعَاتٍ، فَلَمْ أَكُنْ أَدْخُلُ عَلَى عَائِشَةَ، مِنْ أَجْلِ أَنَّ أُمَّ كُلْثُومٍ لَمْ تُتِمَّ لِي عَشْرَ رَضَعَاتٍ.) موطأ مالك، كتاب الرضاع، باب رَضَاعَةِ الصَّغِير. حديث1774

[14] (وَأَبَى سَائِرُ أَزْوَاجِ النَّبِيِّ، أَنْ يَدْخُلَ عَلَيْهِنَّ بِتِلْكَ الرَّضَاعَةِ أَحَدٌ مِنَ النَّاسِ، وَقُلْنَ : لاَ وَاللَّهِ مَا نَرَى الَّذِي أَمَرَ بِهِ رَسُولُ اللَّه سَهْلَةَ بِنْتَ سُهَيْلٍ، إِلاَّ رُخْصَةً مِنْ رَسُولِ اللَّهِ فِي رَضَاعَةِ سَالِمٍ وَحْدَهُ، لاَ وَاللَّهِ لاَ يَدْخُلُ عَلَيْنَا بِهَذِهِ الرَّضَاعَةِ أَحَدٌ). موطأ مالك، كتاب الرضاع، باب مَا جَاءَ فِي الرَّضَاعَةِ بَعْدَ الْكِبَرِ. حديث1781. سنن ابي داود، كتاب الرضاع، باب من حرَّم به.

[15] (فَأَخَذَتْ بِذَلِكَ عَائِشَةُ أُمُّ الْمُؤْمِنِينَ، فِيمَنْ كَانَتْ تُحِبُّ أَنْ يَدْخُلَ عَلَيْهَا مِنَ الرِّجَالِ، فَكَانَتْ تَأْمُرُ أُخْتَهَا أُمَّ كُلْثُوم بِنْتَ أبِي بَكْرٍ الصِّدِّيقِ ، وَبَنَاتِ أَخِيهَا أَنْ يُرْضِعْنَ مَنْ أَحَبَّتْ أَنْ يَدْخُلَ عَلَيْهَا مِنَ الرِّجَالِ). موطأ مالك، كتاب الرضاع، باب مَا جَاءَ فِي الرَّضَاعَةِ بَعْدَ الْكِبَرِ. حديث1781. سنن ابي داود، كتاب الرضاع، باب من حرَّم به. حديث2061

[16] (أَنَّ حَفْصَةَ أُمَّ الْمُؤْمِنِينَ، أَرْسَلَتْ بِعَاصِمِ بْنِ عَبْدِ اللَّهِ بْنِ سَعْدٍ، إِلَى أُخْتِهَا فَاطِمَةَ بِنْتِ عُمَرَ بْنِ الْخَطَّابِ تُرْضِعُهُ عَشْرَ رَضَعَاتٍ لِيَدْخُلَ عَلَيْهَا، وَهُوَ صَغِيرٌ يَرْضَعُ، فَفَعَلَتْ، فَكَانَ يَدْخُلُ عَلَيْهَا.) موطأ مالك، كتاب الرضاع، باب رَضَاعَةِ الصَّغِير. حديث1775

[17]  وا دەردەکەوێت مەسەلەی شیردەرایی لەپێش سەرهەڵدانی ئەو ئایەتەوە بێت کە وەک دایکی بڕوادارن باسی لە ژنەکانی موحەممەد دەکات

[18] (أَنَّ عَائِشَةَ زَوْجَ النَّبِيِّ، كَانَ يَدْخُلُ عَلَيْهَا مَنْ أَرْضَعَهُ أَخَوَاتُهَا، وَبَنَاتُ أَخِيهَا، وَلاَ يَدْخُلُ عَلَيْهَا مَنْ أَرْضَعَهُ نِسَاءُ إِخْوَتِهَا). موطأ مالك، كتاب الرضاع، باب مَا جَاءَ فِي الرَّضَاعَةِ بَعْدَ الْكِبَرِ. حديث1776

[19] (قالت عائشة: دخل رسول الله صلى الله عليه وسلم وعندي رجل قاعد. فاشتد ذلك عليه. ورأيت الغضب في وجهه. قالت فقلت: يا رسول الله! إنه أخي من الرضاعة. قالت فقال "انظرن إخوتكن من الرضاعة. فإنما الرضاعة من المجاعة"). صحيح مسلم، كتاب الرضاع، باب إنما الرضاعة من المجاعة حديث1455

ڕێکه‌وتی بڵاوکردنه‌وه 2011-09-29 19:11:00
به‌شی ( مه‌ریوان هه‌ڵه‌بجه‌یی ) ئاماده‌کرد ( مەریوان هەڵەبجەیی )



دیمه‌نی, مەمک, و, مژین, و, گوشین, و, هەڵگڵۆفینی, مه‌مکی, ئافره‌تان, شێوازێکه‌, له‌, شێوازه‌کانی, خرۆشاندنی, سێکس, کرده‌و, دیارده‌یه‌کی, جیهانییه‌, مەریوان, هەڵەبجەییمەمک, و, مژینی, مەمک, لە, ئیسلامدا Tags





په‌خشی ده‌نگی ئازاد


مه‌ریوان هه‌له‌بجه‌یی
زنجیره‌ به‌رنامه‌ی ئاوێنه.
ڕۆژی 08/17/2017
کاتژمێر 21:00 ناوه‌ڕاستی ئه‌وروپا
فاتیح محمود احمد
فاتیح محمود احمد چیرۆکێکی تری محمد
ڕۆژی 08/11/2017
کاتژمێر 23:00 ناوه‌ڕاستی ئه‌وروپا
فاتیح محمود احمد
مێژوە خوێناویەکەی قورئان و محمد
ڕۆژی 08/09/2017
کاتژمێر 22:00 ناوه‌ڕاستی ئه‌وروپا