مەریوان هەڵەبجەیی : ژنانی و نێرەمووکەکان لە ئیسلامدا

ژنانی و نێره‌مووکی

یان تێکچوونی هاوسه‌نگیی هۆرمۆنه‌کان

 

ژنانی یان نێره‌مووکی، یان هه‌ڵگری ئاکارێکی نائاسایی ڕه‌گه‌زه‌کانی دی له‌ خوددا، یان ده‌رکه‌وتنی پێکهاته‌ی له‌شی نێرینه‌ له‌ ره‌گه‌زی مێینه‌و مێینه‌ له‌ ڕه‌گه‌زی نێرینه‌دا، یه‌کێکه‌ له‌دیارده‌ سرووشتیه‌کانی ئاده‌میزاد.

ئه‌گه‌ر کرۆمۆسۆماته‌کان (xx-xy) تێکه‌ڵ به‌یه‌ک ببن کاریگه‌ری بایۆلۆژی له‌سه‌ر له‌شی ئه‌وی تر جێده‌هێڵن و کۆمه‌ڵێک هه‌ڵسوکه‌وتی تێکه‌ڵه‌ په‌یدا ده‌که‌ن ده‌رکه‌وتنی هه‌ندێک به‌ش که‌ ئاماژه‌ به‌ یه‌کێک له‌ ڕه‌گه‌زه‌کان ده‌کات، له‌ ڕه‌گه‌زه‌که‌ی تردا ده‌رده‌که‌ون  گۆڕانکاری له‌ پێکهاته‌ی له‌شی مرۆڤه‌که‌ یاخود شێوازی ره‌فتاری مرۆڤه‌که‌ دروست ده‌که‌ن، بۆ نموونه‌ ڕه‌گه‌زه‌که‌ نێره‌ به‌ڵام هه‌ندێک هه‌ڵسوکه‌وتی ڕه‌گه‌زی مێینه‌ی بۆ په‌یدا ده‌بێت، یاخود مێیه‌و هه‌ندێک هه‌ڵسوکه‌وتی نیرینه‌ی بۆ په‌یدا ده‌بێت. گۆڕانکاری بایۆلۆژیش کاریگه‌ری به‌سه‌ر له‌شه‌وه‌ جێده‌هێڵێت، بۆ نموونه‌ نێره‌کان زێ یان مه‌مکیان هه‌یه‌، ده‌نگیان ناسک و پێستیان سافه‌و مووی که‌م له‌ له‌شیان ده‌ڕوێت، زۆر جار به‌ته‌واوی موو له‌ له‌شیان ده‌رناکه‌وێت و ده‌بنه‌ کۆسه‌. له‌ رۆشتن و خه‌وو خواردن و پۆشینی جلوبه‌رگ و کۆمه‌ڵێک شتی دیکه‌دا وه‌ک مێ ره‌فتار ده‌نوێنن، ڕه‌وشت و ئاکاری مێینه‌یان له‌ نێرینه‌یی خۆیان زیاتره‌، ئه‌م جۆره‌یان له‌ کلتووری کوردیدا به‌ (ژنانی) ناسراون.

هه‌روه‌ها مێینه‌کانیش چووکیان هه‌یه‌ یان له‌شیان توکنه‌، به‌ئاشکرا مووی روومه‌ت و چه‌ناگه‌یان ده‌بینرێت، ده‌نگیان گڕه‌و هه‌ڵسوکه‌تیان به‌ئاشکرا دیاره‌ که‌ نێرانه‌ ره‌فتار ده‌که‌ن. ئه‌م جۆره‌یان له‌ کۆمه‌ڵگای کورده‌واریدا به‌ (نێره‌مووک) ناسراون.

ئه‌وه‌ش ڕاسته‌ که‌ بڵێین هه‌موو جیاوازیه‌کان له‌یه‌ک له‌شدا کۆببنه‌وه‌و به‌ڕێژه‌ی که‌م و زیاد تێکه‌ڵ به‌یه‌ک ببن، بۆی هه‌یه‌ نێرێک هه‌موو پێکهاته‌کانی مێینه‌یی تێدا بێت و به‌پێچه‌وانه‌شه‌وه‌.! سامی عبدالله له‌کتێبی (النشاط الجنسي لدی الرجال والنساء في ظواهره السویة والشاذة) ده‌ڵێت: پیاوێک نییه‌ به‌مانای ته‌واوی وشه‌که‌ پیاو یاخود نێر بێت، بۆ ژنیش به‌هه‌مان شێوه‌ مه‌سه‌له‌که‌ وایه‌. واته‌ ڕێژه‌ی نێرایه‌تی و مێیایه‌تی لای هیچیان له‌100% نییه‌و هه‌ریه‌که‌یان به‌شێک له‌م و به‌شێک له‌وی تری تێدایه‌. بۆ نموونه‌ پیاو هه‌یه‌ رێژه‌ی نێرایه‌تییه‌که‌ی له‌85%ـه‌و له‌15%ی تری مێینه‌یه‌. ڕێژه‌ که‌می و زۆرییه‌که‌ی کاریگه‌ری له‌سه‌ر ئاره‌زوو و سروشت و ئاکاری سێکسی مرۆڤه‌که‌ ده‌کات. هه‌ر بۆیه‌ بوونی ئه‌ندامی سێکسی نێرینه‌ (چووک) له‌پیاوێکدا مه‌رجی پیاوه‌تی ته‌واو و کامڵیی نێرینه‌یی سێکسی ئه‌و پیاوه‌ ناگه‌یه‌نێت. زۆر رێده‌که‌وێت، که‌سێکی وا له‌شێوه‌ی پیاوه‌تیدا، ئاکاری ژنانه‌ی له‌ڕۆشتن و قسه‌کردن و جل له‌به‌رکردن و ته‌نانه‌ت له‌ ئاره‌زووی سێکسیشدا هه‌بێت.[1]

ئامارێک له‌به‌رده‌ستدا نییه‌ که‌ رێژه‌ی ئه‌مانه‌ له‌ جیهاندا خه‌مڵاندبێت، به‌ڵام وه‌ک به‌چاوی ئاسایی ده‌بینرێن، ڕێژه‌یان زۆر که‌مه‌.

ئه‌م دیارده‌ سروشتییه‌، ئه‌گه‌رچی ته‌واو ته‌واو په‌یوه‌ندی به‌ گۆرانکارییه‌ بایۆلۆژییه‌کانه‌وه‌ هه‌یه‌و مرۆڤ، نێر بێت یاخود مێ، هیچ خه‌تاو تاوانێكیان له‌دروستبوونی پێکهاته‌‌ی خۆیاندا نییه‌، به‌ڵام له‌ ئیسلامدا به‌شێوه‌یه‌کی ئاسایی ته‌ماشا نه‌کراون، موحه‌ممه‌د وا له‌م دیارده‌یه‌ تێگه‌یشتبوو که‌ ئه‌وه‌ پێکهاته‌ی بایۆلۆژیان نییه‌ وایان لێده‌کات به‌و شێوه‌یه‌ ڕه‌فتارو هه‌ڵسوکه‌وت بکه‌ن به‌ڵکو به‌ ئانقه‌ست لاسایی ڕه‌گه‌زی به‌رامبه‌ریان ده‌که‌نه‌وه‌، له‌مه‌ به‌ولاوه‌ زانیاریه‌کی ئه‌وتۆی له‌م باره‌یه‌وه‌ نه‌بووه‌، ئه‌م بێئاگاییه‌ وای لێکرد، ڕه‌فتاریان به‌ ناپه‌سه‌ند، هه‌ڵسوکه‌وتیان به‌ شوره‌یی، که‌سایه‌تیان به‌شتێکی ناشرین و قێزه‌ون و خراپ ببینێت:

قَالَ لَعَنَ النَّبِيُّ صَلَّى اللَّهُ عَلَيْهِ وَسَلَّمَ الْمُخَنَّثِينَ مِنْ الرِّجَالِ وَالْمُتَرَجِّلَاتِ مِنْ النِّسَاءِ وَقَالَ أَخْرِجُوهُمْ مِنْ بُيُوتِكُمْ قَالَ فَأَخْرَجَ النَّبِيُّ صَلَّى اللَّهُ عَلَيْهِ وَسَلَّمَ فُلَانًا وَأَخْرَجَ عُمَرُ فُلَانًا.[2]

 

په‌یامبه‌ر، صه‌لات و سه‌لامی خوای لێ بێت، نه‌فره‌تی له‌و پیاوانه‌ کردووه‌ که‌ خۆیان به‌ ئافره‌ت ده‌چوێنن، هه‌روه‌ها له‌و ئافره‌تانه‌ش که‌ خۆیان به‌ پیاو ده‌چوێنن. گه‌ر که‌سی وا له‌ماڵه‌کانتاندا بوو ده‌ریانکه‌ن، خودی موحه‌ممه‌د که‌سێکی له‌م شێوه‌یه‌ ده‌رکردووه‌، هه‌روه‌ها عومه‌ری کوڕی خه‌تتابیش که‌سێکی له‌م شیوه‌یه‌ ده‌رکردووه‌.[3]

به‌م شێوه‌یه‌ بۆمان ده‌رکه‌وت له‌لایه‌که‌وه‌ موحه‌ممه‌د بێئاگا بووه‌ به‌م پێکهاته‌ بایۆلۆژیه‌و جگه‌ له‌ نه‌فره‌تکردن لێیان و شاربه‌ده‌رکردنیان نه‌یتوانیوه‌ به‌شێوه‌یه‌کی لۆژیکانه‌ چاره‌سه‌ری ئه‌م دیارده‌ سروشتیه‌ بکات، له‌لایه‌کی تریشه‌وه‌ قورئان خاڵییه‌ له‌م بواره‌داو هیچی ده‌رباره‌ی ئه‌م دیارده‌ سروشتیه‌ (ژنانی و نێره‌مووکی) نه‌درکاندووه‌، ئه‌مه‌ له‌کاتێکدا ده‌گوترێت که‌ یه‌کێک له‌موعجیزه‌کانی قورئان ئه‌وه‌یه‌ باسی هه‌موو شتێکی تێدایه‌.


 

[1] له‌کوردیاره‌وه‌، کورته‌ مێژوویه‌کی نێربازی له‌ڕۆژهه‌لآتی ئیسلامدا، ل12-13

[2] صحيح البخاري » كتاب اللباس » باب إخراج المتشبهين بالنساء من البيوت، حدیث٥٥٤٧، ابن ماجة. كتاب النكاح، باب، في المخنثين. حديث 1904 سنن الترمذي، أبواب الاستئذان والآداب، باب ما جاء في المتشبهات بالرجال من النساء. حديث2935

[3]  داوای لێبووردن له‌خوێنه‌ران ده‌که‌م که‌ ناچاربووم به‌و شێوه‌ ساده‌یه‌ سه‌رگوزشته‌که‌ وه‌رگێڕمه‌ سه‌ر زمانی کوردی چونکه‌ نه‌متوانی بۆ هه‌ردوو وشه‌ی المخنث و المترجل مورادیفێکیان بۆ بدۆزمه‌وه‌.

ڕێکه‌وتی بڵاوکردنه‌وه 2011-10-14 15:30:00
به‌شی ( وتار/بابه‌ت ) ئاماده‌کرد ( مەریوان هەڵەبجەیی )



ژنانی, یان, نێره‌مووکی, یان, هه‌ڵگری, ئاکارێکی, نائاسایی, ڕه‌گه‌زه‌کانی, دی, له‌, خوددا, یان, ده‌رکه‌وتنی, پێکهاته‌ی, له‌شی, نێرینه‌, له‌, ره‌گهمەریوان, هەڵەبجەییمەریوان, هەڵەبجەیی, , ژنانی, و, نێرەمووکەکان, لە, ئیسلامدا Tags





په‌خشی ده‌نگی ئازاد


مه‌ریوان هه‌له‌بجه‌یی
زنجیره‌ به‌رنامه‌ی ئاوێنه.
ڕۆژی 08/17/2017
کاتژمێر 21:00 ناوه‌ڕاستی ئه‌وروپا
فاتیح محمود احمد
فاتیح محمود احمد چیرۆکێکی تری محمد
ڕۆژی 08/11/2017
کاتژمێر 23:00 ناوه‌ڕاستی ئه‌وروپا
فاتیح محمود احمد
مێژوە خوێناویەکەی قورئان و محمد
ڕۆژی 08/09/2017
کاتژمێر 22:00 ناوه‌ڕاستی ئه‌وروپا