به‌زه‌یی لای پێغه‌مبه‌ر و ڕوه‌كخۆرێك، وه‌ڵامێك بۆ مه‌لا عومه‌ر چنگنیانی

 

به‌زمانێكی ساده‌ و خۆتان ئاسایی: بۆ مرۆڤی هۆشیار ئه‌وه‌نده‌ به‌سه‌ كه‌، به‌زه‌یی پێغه‌مبه‌ر به‌رامبه‌ر ئاژه‌ڵان له‌كاتێكدا به‌نمونه‌ ده‌هێنیته‌وه‌ كه‌، پێی له‌سه‌ر ملی دوو ئاژه‌ڵ داناوه‌ و سه‌ریان ده‌بڕێت بۆ خودا!

مه‌لا عومه‌ر چنگنیانی، له‌به‌رنامه‌ی (ئایین و كۆمه‌ڵ) به‌شی دووه‌می نۆمینه‌ی حاجیان و جه‌ژن و قوربانی، له‌ خوله‌كی 10ی به‌رنامه‌كه‌یدا دوای ئه‌وه‌ی ته‌ئكید ده‌كاته‌وه‌ كه‌ پێغه‌مبه‌ر خۆی دوحه‌یوانی سه‌ربڕیوه‌ له‌م بۆنه‌یه‌دا، ئاماژه‌ بۆ ئه‌وه‌ ده‌كات كه‌ ئه‌وانه‌ی خۆیان به‌ نباتی(ڕوه‌كخۆر) ده‌زانن و ده‌ڵێن ئێمه‌ گۆشتی حه‌یوان ناخۆین و به‌زه‌ییمان دێته‌وه‌ و ئه‌و قسانه‌ كه‌ ده‌كه‌ن، له‌ پێغه‌مبه‌ر به‌ڕه‌حمتر نین، كه‌ خۆی قوربانییه‌كانی خۆی سه‌رده‌بڕی.

ووته‌كه‌ی مه‌لاعومه‌ر به‌ده‌نگ وڕه‌نگ، به‌كورتی: 


به‌زمانێكی ساده‌ و خۆتان ئاسایی: بۆ مرۆڤی هۆشیار ئه‌وه‌نده‌ به‌سه‌ كه‌، به‌زه‌یی پێغه‌مبه‌ر به‌رامبه‌ر ئاژه‌ڵان له‌كاتێكدا به‌نمونه‌ ده‌هێنیته‌وه‌ كه‌، پێی له‌سه‌ر ملی دوو ئاژه‌ڵ داناوه‌ و سه‌ریان ده‌بڕێت بۆ خودا!

سه‌ره‌تا:

ئه‌گه‌رچی سه‌ره‌تای مرۆڤایه‌تی به‌ ڕوه‌كخۆریی ده‌ستی پێكردوه‌، به‌ڵام ئه‌وه‌ هۆشیارییه‌ نه‌ك به‌زه‌یی، كه‌ ئه‌مڕۆ مرۆڤێك ده‌بێته‌ روه‌كخۆر، چونكه‌ له‌سه‌ره‌تادا مرۆڤ به‌ناچاری و له‌سه‌رمای چاخی به‌سته‌ڵه‌كدا و له‌ ئه‌نجامی كه‌می سه‌رچاوه‌كانی خۆراكه‌وه‌ گۆشتی خواردووه‌، به‌ڵام هه‌زاران ساڵه‌ مرۆڤ به‌ ته‌واوی خوی داوه‌ته‌ ئه‌م لاشه‌ خواردنه‌، ئه‌مه‌ش به‌پێی ئه‌و زانیاریانه‌ی زانستمه‌ندانی بواری مرۆڤ ناسی به‌هاوكاری زانسته‌كانی تره‌وه‌ پێی كه‌یشتوون، بۆیه‌ له‌ناو گروپی زینده‌وه‌راكانی سه‌ره‌زه‌ویدا مرۆڤ له‌گروپی ڕوه‌كخۆره‌ شیرده‌ره‌كانه‌. كه‌واته‌ ئه‌و مرۆڤه‌ سه‌ره‌تاییانه‌ی ڕوه‌كخۆربوون پێویستناكات ستایشیان بكه‌ین چونكه‌ سروشتی بوون، هه‌روه‌ها ئه‌و مرۆڤانه‌یشی دوای ئه‌مان هاتوون و به‌ناچاری گۆشتیان خواردووه‌ ناچارنابین تانه‌یان لێبده‌ین، چونكه‌ هه‌وڵێك بووه‌ له‌ نێوان مان و مردندا، ئه‌مه‌ جگه‌له‌وه‌ی تێگه‌یشتنیان به‌رامبه‌ر مرۆڤێكی ئه‌مڕۆ زۆر سنورداربووه‌، به‌ڵام ئه‌وه‌ی دوای ئه‌مانه‌ گۆشتی خواردووه‌ هه‌رله‌ پیغه‌مبه‌رێكه‌وه‌ بۆ فه‌یله‌سوفێك و تا ده‌گاته‌ هه‌رمرۆڤێكی ئه‌مڕۆ، ئه‌وانه‌ مرۆڤایه‌تیان له‌ژێر هه‌زاران پرسیاردایه‌.

كاتێك مرۆڤ ده‌گه‌یه‌ته‌ ئه‌م راستییه‌ له‌م ڕوه‌وه‌ بوونی خۆی وه‌ك مرۆڤێك ده‌سه‌لمێنێت كه،‌ ئه‌وه‌ كاری ئه‌و نییه‌ ئاژه‌ڵ بكوژێت، یان گۆشتبخوات، چونكه‌ له‌گه‌ڵ سروشتی ئه‌ودا هیچ كات یه‌ك ناگرێته‌وه‌، ئه‌مه‌یه‌ ده‌ستپێكی ڕوه‌كخۆر بوونی مرۆڤ(تێگه‌یشتن و هۆشیارییه‌)، به‌ڵام جگه‌له‌م ڕاستییه‌ ئه‌وه‌ مرۆڤه‌ ده‌توانێت چ به‌ ئه‌زموون و چ به‌ به‌ڵگه‌ زانستییه‌ پزیشكیه‌كان بگاته‌ ئه‌و باوه‌ڕه‌ی گۆشت ته‌نها ژه‌هرێكه‌ و مرۆڤ له‌به‌ر ئاره‌زوو كردنی ناچاربووه‌ به‌كاری بهێنێت، ئه‌مه‌ش جۆرێكه‌ له‌ هاندان و مرۆڤ ناچارده‌كات بیرله‌ ڕوه‌كخۆربوون بكاته‌وه‌ له‌به‌ر ته‌ندروستییه‌كی باش، ئه‌وه‌ی ئێوه‌ باستان لێوه‌كردووه‌ (به‌شێوه‌ی گاڵته‌پێكردن) كه‌، ڕوه‌كخۆر(نباتی) ئاژه‌ڵ ناكوژێت له‌به‌ر به‌ز‌ه‌یی، ئه‌مه‌ ده‌كرێت ببێته‌ دواخاڵ له‌ ڕوه‌كخۆریدا، هه‌روه‌ها ئه‌ساسێكی هه‌یه‌، مرۆڤ له‌سه‌رتاییه‌كانی ژیانیدا به‌هۆی ڕوه‌كخۆربوونیه‌وه‌ ملیۆنان ساڵ زینده‌وه‌رێكی ئارامه‌ و به‌ سروشتی دووربووه‌ له‌ خوێنڕێژی و كوشتن، چونكه‌ هیچ پێویستییه‌كی به‌م خوێن رشتنه‌ نه‌بووه‌ و ئه‌و پێویستییه‌كانی به‌ ڕوه‌كه‌كان ته‌واو كردووه‌، بۆیه‌ ئاساییه‌ ڕوه‌كخۆریی هۆیه‌ك بێت بۆ ڕێزگرتن و ئینجا به‌زه‌یی هاتنه‌وه‌ به‌و زینده‌وه‌رانه‌ی مرۆڤی گۆشتخۆر بۆ هه‌وه‌سی جۆراوجۆر ده‌یانكوژێت، ئه‌مه‌ ده‌بێته‌ جێی پرسیار كه‌ بۆچی ده‌بێت ڕوه‌كخۆر به‌زه‌یی به‌ ئاژه‌ڵاندا بێته‌وه‌ و ڕێزیان لێبگرێت و ئه‌مه‌ به‌گۆشتخۆرێك نه‌وترێت، نه‌ك كه‌سێكی وه‌ك ئێوه‌ هۆشیاریتان تا ئه‌و ئه‌ندازه‌یه‌ بووه‌ كه‌ نه‌قڵێكتان پێ پیرۆزكردووه‌ و ئیتر بێ ئاگاییانه‌ ده‌یڵێنه‌وه‌ له‌به‌رئه‌وه‌ی پیرۆزێنراوه‌‌.

ئێوه‌ لاتان سه‌یره‌ مرۆڤ به‌زه‌یی به‌ ئاژه‌ڵاندا بێته‌وه‌، چونكه‌ نه‌تان توانیوه‌ له‌و هه‌سته‌ پڕواتایه‌ی ڕوه‌كخۆر تێبگه‌ن، من به‌رامبه‌ر به‌ خۆت چ قسه‌یه‌كم هه‌بێت كه‌ وه‌ڵامی ڕێژه‌یی به‌زه‌یی ئێمه‌ی ڕوه‌كخۆر و گۆشتخۆرێك وا ده‌پێویت كه‌، ده‌ڵێیت "ئێوه‌ له‌ پێغه‌مبه‌ر به‌به‌زه‌یترنین، خۆی ئاژه‌ڵاكانی سه‌رده‌بڕی" ئه‌م قسه‌یه‌ت چ ڕوویه‌كی زانستی هه‌یه‌؟ ئایا "ئینسانیه‌ت" به‌ره‌هایی ئه‌و كارانه‌یه‌‌ كه‌ پێغه‌مبه‌ر كردوویه‌تی، یان پێناسه‌یه‌كی ووردمان پێویسته‌ بۆ هه‌ر مرۆڤێك تا ئینسانیه‌تی له‌جه‌وهه‌ردا بدۆزینه‌وه‌؟ 

ماده‌م ڕوه‌كخۆریی دوای گرفت و ناچارییه‌كانی سروشت بووه‌ به‌ هۆشیاری، كه‌واته‌ نه‌ك تۆ، من دڵنیاتده‌كه‌م تا ئه‌مرۆش له‌ نیمچه‌دوورگه‌ی عه‌ره‌به‌وه‌ پیغه‌به‌ر زنجیره‌یان درێژبكرایه‌ته‌وه‌، هه‌رگیز ئه‌و هۆشیارییه‌یان نه‌ده‌بوو كه‌ ببنه‌ ڕوه‌كخۆر، چونكه‌ پێغه‌مبه‌ری ئایینه‌ ڕۆحییه‌كان ئه‌و هۆشیارییه‌یان ده‌بێت، نه‌ك ئایینێك له‌ناو دنیا ڕۆحییه‌كه‌یشیدا چینایه‌تی هه‌یه‌! شمشێر وه‌شاندن فه‌رز و كوشتن و كوشتار به‌گه‌وره‌ترین خزمه‌ت لێی بڕوانرێت.

ڕوه‌كخۆر به‌رله‌وه‌ی به‌زه‌یی به‌ ئاژه‌ڵاندا بێته‌وه‌، به‌زه‌یی به‌مرۆڤێكدا دێته‌وه‌ ئه‌وه‌نده‌ ناهۆشیاره‌ له‌م سه‌رده‌مه‌دا، پێی وایه‌ خودا پێویستی به‌ قوربانی خوێن و كوشتنی ئاژه‌ڵانه‌، ئێوه‌ خوداتان له‌ ئینسانیه‌تتان بچوكتر كردۆته‌وه‌، ته‌نانه‌ت ئه‌و وه‌ك مرۆڤێكی ئاساییش نابینن، ئه‌وتانكردووه‌ به‌ دێوێك ئاره‌زووی كوشتن و خوێن و دووبه‌ره‌كی و ژێرده‌سته‌یی زۆرینه‌ و خاوه‌ندارێتی پیاو به‌سه‌ر ژنه‌وه‌ ده‌كات ... تاد، ئێوه‌ پێتان وایه‌ هه‌رگیز به‌راورد ده‌كرێن به‌ ڕوه‌كخۆرێكی سروشت پاك؟

ڕوه‌كخۆر به‌زه‌یی به‌ سروشتدا دێته‌وه‌ كه‌ گۆشتخواردن یه‌كێكه‌ له‌هۆكاره‌كانی نابود كردنی، به‌زه‌یی به‌ مرۆڤدا دێته‌وه‌ كه‌ ڕۆژانه‌ زیاتر له‌ 25هه‌زاری له‌برساندا ده‌مرێت و گۆشتخواردن یه‌كێكه‌ له‌هۆكاره‌ سه‌ره‌كێكانی، ئه‌وه‌ی گۆشتخۆره‌ به‌ناڕاسته‌وخۆ پشكی له‌ كوشتنی ئینساندا هه‌یه‌، به‌ڵام ئه‌و ئایینه‌ی ڕه‌وایه‌تی داوه‌ به‌ گۆشتخواردن به‌ناوی خوداوه‌، به‌ راسته‌وخۆ بكوژی ئینسانه‌كان و ئینسانیه‌ته‌.

به‌راوردی به‌زه‌یی ڕوه‌كخۆر به‌ هیچ پێغه‌مبه‌رێك و به‌تایبه‌ت محمد مه‌كه‌، پێغه‌مبه‌رێك له‌ڕۆژێكدا زیاتر له‌ حه‌وت سه‌د تا نۆسه‌د پیاو به‌فه‌رمانی خۆی سه‌رببڕێت و منداڵه‌كانی بكاته‌ كۆیله‌و ژنه‌كانیان بكاته‌ كه‌نیزه‌ و بیان فرۆشێت و بیانكاته‌ ئامرازی دامركانه‌وه‌ی سێكس و هه‌وه‌سی، ئیتر ئه‌م پێغه‌مبه‌ره‌ چۆن ئینسانیه‌تێكی هه‌یه‌ تا بتوانێت به‌پێی ئینسانیه‌تی به‌زه‌یی به‌ ئاژه‌ڵاندا بێته‌وه‌؟

ڕوه‌كخۆر له‌سه‌ره‌تادا به‌زه‌یی به‌ ئاژه‌ڵاندا نایه‌ته‌وه‌، ئه‌و ڕێزیان لێده‌گرێت، ئه‌وه‌ كاتێكه‌ به‌زه‌یی دێته‌كایه‌وه‌ كه‌، ده‌بینێت به‌وپه‌ڕی خۆشحاڵیه‌وه‌ مرۆڤه‌كان كه‌وتوونه‌ته‌ كوشتنیان و تازیاتریان لێده‌كوژن زیاتر دڵخۆشن، بۆیه‌ ته‌واوی ئه‌و بوونه‌وه‌رانه‌ی له‌سه‌ر زه‌وی ده‌ژێن شایه‌نی ڕێزن، ڕێز له‌سروشت و بوونیان.

دواجار پوچترین ناوێك ره‌حم و به‌زه‌ییه‌ له‌ ئایینی ئیسلام و ئینسانیه‌تی پێغه‌مه‌به‌ردا، من پێم سه‌یره‌ ئێوه‌ چۆن ده‌وێرن سه‌ری ئه‌م پرسانه‌ هه‌ڵبده‌نه‌وه‌، پێغه‌مبه‌رێك كۆیله‌ی هه‌بووبێت و ژنی خه‌ڵكی تاڵان كردبێت و منداڵی ساوای له‌دایكی جیا كردبێته‌وه‌ و كردبێتنی به‌كۆیله‌ و فرۆشرابن له‌بازاڕی كۆیله‌ فرۆشان، وه‌ ئه‌م ده‌ستوره‌ له‌شه‌ریعه‌تی ئیسلامیشدا مابێته‌وه‌، ئایا ئینسانیه‌ت بوونی هه‌یه‌ تا ڕه‌حم و به‌زه‌یی بوونی هه‌بێت؟ تۆیه‌ك به‌جلی ڕه‌سه‌نی كوردییه‌وه‌ بۆ‌ ئایینێكی به‌ربه‌ری عه‌ره‌بی ئامۆژگاری گه‌لیێك بكه‌یت كه‌، تا دواهه‌مین خه‌لیفه‌ی ئه‌م ئایینه‌ كه‌ عوسمانییه‌كانه‌، خۆشبه‌ختی نه‌دیبێ و ئێمه‌ی ڕوه‌كخۆر له‌ناو ده‌یان گرفتی كۆمه‌ڵایه‌تیدا گه‌لێك هۆشیار بكه‌ینه‌وه‌ له‌ سروشتی مرۆڤ بوونی، جیاوازیمان زۆره‌، نه‌ك به‌راوردی ئێمه‌ به‌ په‌یامبه‌ره‌كه‌ت.

پیاوێك به‌ناوی خوداوه‌ به‌زه‌یی به‌ مرۆڤدا نه‌یه‌ته‌وه‌ له‌به‌رئه‌وه‌ی بیروباوه‌رێكی تری هه‌یه‌، منم ناهۆشیار گه‌ر زیاتر تانه‌ی لێبده‌م له‌سه‌ر ئه‌وه‌ی دوو دوو ئاژه‌ڵی ڕاخستووه‌ و سه‌ری بڕیون بۆ خودا!‌  

تكایه‌ بیروباوه‌ڕ و پیرۆزییه‌كانت كه‌ سه‌رجه‌میان بۆ مرۆڤی نائاگا به‌به‌هایه‌! مه‌یفرۆشه‌ به‌و مرۆڤانه‌ی خه‌ریكی ڕێزگرتنن له‌ سروشتی پاك و مرۆڤی به‌واتا، ئه‌و قسانه‌ی به‌ڕێزتان ته‌نها له‌شوێنێك نرخیان هه‌یه‌ كه‌، مه‌عریفه‌ به‌های له‌ده‌ستداوه‌ له‌سایه‌ی نه‌قڵه‌ پیرۆزكراوه‌كاندا.

[email protected]

 

ڕێکه‌وتی بڵاوکردنه‌وه 2012-11-12 08:33:00
به‌شی ( شۆڕش شه‌ریفزاده‌ ) ئاماده‌کرد ( شۆڕش شه‌ریف زاده‌ )



به‌زمانێكی, ساده‌, و, خۆتان, ئاسایی, بۆ, مرۆڤی, هۆشیار, ئه‌وه‌نده‌, به‌سه‌, كه‌, به‌زه‌یی, پێغه‌مبه‌ر, به‌رامبه‌ر, ئاژه‌ڵان, له‌كاتێكدا, به‌نشۆڕش, شه‌ریف, زاده‌به‌زه‌یی, لای, پێغه‌مبه‌ر, و, ڕوه‌كخۆرێك, وه‌ڵامێك, بۆ, مه‌لا, عومه‌ر, چنگنیانی Tags





په‌خشی ده‌نگی ئازاد


مه‌ریوان هه‌له‌بجه‌یی
زنجیره‌ به‌رنامه‌ی ئاوێنه.
ڕۆژی 08/17/2017
کاتژمێر 21:00 ناوه‌ڕاستی ئه‌وروپا
فاتیح محمود احمد
فاتیح محمود احمد چیرۆکێکی تری محمد
ڕۆژی 08/11/2017
کاتژمێر 23:00 ناوه‌ڕاستی ئه‌وروپا
فاتیح محمود احمد
مێژوە خوێناویەکەی قورئان و محمد
ڕۆژی 08/09/2017
کاتژمێر 22:00 ناوه‌ڕاستی ئه‌وروپا