وه‌ختێك ده‌سه‌ڵاتدارێتی ده‌بێته‌ ته‌نها ئامانج ، كۆمه‌ڵێك له‌ کاره‌ تیرۆرستیه‌کانی موحه‌ممه‌د

وه‌ختێك ده‌سه‌ڵاتدارێتی ده‌بێته‌ ته‌نها ئامانج
كۆمه‌ڵێك له‌(إغتیالات) کاره‌ تیرۆرستیه‌کانی موحه‌ممه‌د


[email protected]

کە ته‌ماشای مێژوو ده‌کەین و ئێستاش لێیان ده‌ڕوانین، دەبینین زۆربوون ئەو کەس و گروپانەی تەنها بۆ گه‌یشتن به‌ دەسەڵات، ئامادەبوون هەموو رێگایەک بگرنەبەرو بەهەر جۆرو شێوازێک بۆیان لوابێت کاریان بۆ کردووە تا بگه‌ن به‌ ئامانجەکانیان.

له‌لای هه‌رکه‌سێکه‌وه‌ دیارده‌ی تیرۆر سه‌رهه‌ڵبدات، سه‌ره‌ڕای جیاوازی بیروڕا، جیاوازیه‌کانی ئه‌مسه‌ری چه‌پ بۆ ئه‌وسه‌ری راست، له‌مسه‌ری سیكولاریزمه‌وه‌ بۆ ئه‌وسه‌ری ئاینی، سه‌رئه‌نجام سه‌ر ده‌كێشێت بۆ خراپه‌كاری و له‌ ناوبردنی ئه‌و كه‌سانه‌ی که‌ده‌بنه‌ جێگه‌ی مه‌ترسی له‌به‌رده‌م ئامانجه‌کانیاندا.

له‌ڕاستیدا ڕووداوه‌کانی تیرۆری نه‌یار له‌ ته‌واوی فیكرو ئایدۆلۆژیاكانی تردا هه‌بوون و هه‌ن، كه‌سانێك هه‌بوون که‌ له‌ جه‌رگه‌ی شۆڕشی كۆمۆنیستیه‌وه‌ هه‌ڵقوڵاون، به‌ڵام که‌دواتر ئامانجه‌کانیان بۆ‌ مانه‌وه‌ی ده‌سه‌ڵات کۆده‌بێته‌وه‌، ده‌بینین مێژوویان سوور کردووه‌ به‌ خوێنی نه‌یاره‌كانیان، سوورکردنی ڕۆژانی مێژووش به‌شێکن له‌و ده‌رئه‌نجامانه‌ی که‌ كه‌سانێک له‌پێناوی مانه‌وه‌یان له‌ ده‌سه‌ڵاتدا گرنگترین شت ده‌که‌ن‌. بۆیه‌ ده‌بینین (حب العظمة) بۆ هه‌ر كه‌سێك هاتبێته‌ پێشه‌وه‌، راسته‌وخۆ په‌نای بۆ نه‌هێشتنی ئه‌و سه‌رانه‌ بردووه‌ كه‌ بیری رابه‌رایه‌تی یاخود ركه‌به‌رایه‌تیان هه‌بووه‌.

ئه‌وه‌ی ڕوون بێت ئه‌م ڕوداوانه‌ زیاتر له‌ بواره‌کانی ئایینی و سایسیدا ڕویانداوه‌، هه‌موو ئه‌و په‌یامبه‌رانه‌ی كه‌ له‌ناو گه‌ل و نه‌ته‌وه‌كاندا ده‌ركه‌وتون هه‌موویان ده‌ستیان هه‌بووه‌ له‌ تیرۆرداو په‌یامبه‌رێكیان نابینینه‌وه‌ كه‌ له‌ ساته‌كانی ده‌سه‌ڵاتیدا په‌نای نه‌بردبێته‌ به‌ر ئه‌م دیارده‌ خوێناوییه‌.! موحه‌ممه‌دی ئیسلامیش یه‌کێکه‌ له‌و که‌سایه‌تیه‌ مێژووییه‌ ئاینیانه‌ی که‌ئێستا باسی هه‌ندێک له‌ کاره‌ تیرۆریه‌کانی ده‌که‌ین.

پێشترو له‌ بابه‌تێكی دیکه‌مدا زۆر به‌ وردی باسی یه‌كێك له‌و کاره‌ تیرۆریانه‌م کرد که‌ قوربانیه‌که‌ (كعب كوڕی ئه‌شره‌ف) بوو.! باسی ئه‌وه‌م کردبوو چۆن به‌سه‌رکردایه‌تی خۆی و له‌ پیلانێکی بۆ داڕێژراوی دراسه‌کراودا خۆیان كردووه‌ به‌ هاوه‌ڵ و نزیكی ناوبراوو به‌و په‌ڕی نا مرۆڤانه‌وه‌ كوشتویانه‌.
خوێنه‌ر ده‌توانێت له‌ڕێی ئه‌م لینکه‌وه‌ بیخوێنێته‌وه‌
http://xwdakan.com/xwdakan/index.php/aram-jalal/3077-tiror.html

له‌م باسه‌دا درێژه‌ ده‌ده‌ین به‌ کۆمه‌ڵێک تیرۆری تر که‌ خودی موحه‌ممه‌د سه‌رکرده‌و پاڵنه‌رو هۆکاری سه‌ره‌کی ئه‌و تیرۆرانه‌ بووه‌، چه‌ند دیمه‌نێكی تری ئه‌و كوشتارانه‌ ده‌خه‌ینه‌ ڕوو‌ که‌ ئه‌وكه‌سانه‌ی بونه‌ته‌ مه‌ترسی له‌سه‌ر ده‌سه‌ڵاته‌که‌ی موحەممەد به‌ئه‌نجام گه‌یه‌نراوه‌.. به‌ ناردنی عه‌بدوڵلای کوڕی ئه‌نیس ده‌ست پیده‌که‌ین که‌ له‌دوای شه‌ڕی (ئوحود) ناردی بۆ تیرۆرکردنی خالیدی کوڕی سوفیان. له‌ دوای شه‌ڕی ئوحود خه‌ڵكانێكی زۆری ناڕازی و دژ به‌ ده‌سه‌ڵاتی موحه‌ممه‌د سه‌ریان هه‌ڵداو موحه‌مه‌دیش کۆمه‌ڵه‌یه‌کی نهێنی دروست کرد بۆ له‌ ناوبردنی ئه‌وان و هه‌موو جوڵانه‌وه‌یه‌ك که‌ دژ به‌ ده‌سه‌ڵاته‌كه‌ی دروست ببێت.


ناردنی عبدالله‌ی كوڕی انیس


له‌ ڕۆژی پێنجه‌می مانگی موحه‌ڕه‌می ساڵی چواره‌می كۆچی هه‌واڵگره‌كان هه‌واڵیان هێنا كه‌ (خالیدی كوڕی سوفیانی هیند) خه‌ڵك كۆ ئه‌كاته‌وه‌ بۆ جه‌نگ له‌دژی مسوڵمانه‌كان، په‌یامبه‌ر (عبدالله‌ی كوڕی انیس)ی بۆ نارد تا له‌ ناوی به‌رێت.

(عبدالله) ماوه‌ی (18) شه‌وی پێچوو هه‌ر نه‌هاته‌وه‌ بۆ مه‌دینه‌، پاشان له‌ ڕۆژی شه‌ممه‌دا، كه‌ حه‌وت ڕۆژی مابوو مانگی موحه‌ڕه‌م ته‌واو بێت، گه‌ڕایه‌وه‌و (خالید)یشی كوشتبوو.! كه‌لـله‌سه‌ره‌كه‌ی له‌گه‌ڵ خۆیدا هێنابوو، له‌به‌رده‌م په‌یامبه‌ردا داینا، په‌یامبه‌ریش گۆپاڵێكی دایه‌.
عبدالله پێی وت: ئه‌ی په‌یامبه‌ری خوا با ئه‌م گۆپاڵه‌ نیشانه‌بێت له‌ نێوان من و تۆدا تا ڕۆژی قیامه‌ت (واتا ئه‌م گۆپاڵه‌ نیشانه‌ی ئه‌وه‌بێت که‌ من چ ئه‌رکێکم بۆ تۆ ئه‌نجام داوه‌و له‌ڕۆژی قیامه‌تتدا وه‌ک به‌ڵگه‌ به‌کاری ده‌هێنم بۆ چوونه‌ به‌هه‌شتم). کاتێک مردنی عبدالله‌ نزیك بووەوه‌ وه‌سیه‌تی كرد كه‌ گۆپاڵه‌که‌ بخه‌نه‌ ناو کفنه‌که‌یه‌وه‌.

ئه‌مه‌ش ده‌قه‌ عه‌ره‌بیه‌که‌یه‌ بۆ ئه‌و که‌سانه‌ی که‌ پێویستیانه‌ به‌سه‌رچاوه‌که‌یه‌تی
بعث عبد الله بن أُنَيس
وفي اليوم الخامس من نفس الشهر ـ المحرم سنة 4 هـ ـ نقلت الاستخبارات أن خالد بن سفيان الهذلي يحشد الجموع لحرب المسلمين، فأرسل إليه النبي صلى الله عليه وسلم عبد الله ابن أنيس ليقضي عليه‏.‏ وظل عبد الله بن أنيس غائباً عن المدينة ثماني عشرة ليلة، ثم قدم يوم السبت لسبع بقين من المحرم، وقد قتل خالداً وجاء برأسه، فوضعه بين يدي النبي صلى الله عليه وسلم فأعطاه عصا وقال‏:‏ ‏‏(‏هذه آية بيني وبينك يوم القيامة‏)‏، فلما حضرته الوفاة أوصي أن تجعل معه في أكفانه‏.‏1
 

كوژرانی (سه‌للامی كوڕی ئه‌بی ئه‌لحوقه‌یق)


(سلام بن أبي الحقيق) كه‌ شۆره‌ته‌که‌ی (ابو الرافع) بوو، یه‌كێك بووه‌ له‌ گه‌وره‌ تاوانباره‌كانی جوله‌که‌ (له‌ده‌قه‌ عه‌ره‌بیه‌که‌دا نوسراوه‌ من اکبر مجرمي الیهود، بۆیه‌ ئێمه‌ ناچار ده‌بین سه‌رچاوه‌که‌ به‌ ئه‌مانه‌ته‌وه‌ وه‌رگێڕینه‌ سه‌ر زمانی کوردی و بنوسین تاوانبار) ئه‌بو الرافع گروپ و لایه‌نه‌کانی دژ به‌ مسوڵمانه‌كان كۆدەکردە‌وه ‌و به‌ ئازوقه ‌و ماڵ و سامان كۆمه‌كی ده‌كردن. ئه‌و ئازاری زۆری په‌یامبه‌ری ده‌دا، كه‌ مسوڵمانه‌كان له‌ غه‌زای (بنو قریظة) بوونه‌وه‌، خێڵی خه‌زره‌ج مۆڵه‌تیان له‌ په‌یامبه‌ر وه‌رگرت بۆ ئه‌وه‌ی بیکوژن.

وه‌ک پێشتریش له‌تیرۆرکردنه‌که‌ی که‌عبدا باسمان کرد چه‌ند پیاوێك له‌ هۆزی ئه‌وس (كعبی كوری ئه‌شره‌ف)یان كوشتبوو، خه‌زره‌جیه‌کانیش خۆیان له‌ ئه‌وسیه‌کان به‌ که‌متر نه‌ده‌زانی، بۆیه‌ له‌به‌رامبه‌ر ئه‌واندا ویستیان کارێک بکه‌ن وه‌ک ئه‌وسیه‌کان شكۆمه‌ندیه‌کیان ده‌ستكه‌وێت، بۆیه‌ داوای مۆڵه‌تیان له‌ موحه‌ممه‌د کرد سه‌لامه‌ بکوژن.
په‌یامبه‌ر مۆڵه‌تیدان كه‌ سه‌لام بكوژن به‌ڵام ده‌ست له‌ ژن و منداڵ بپارێزن. مه‌فره‌زه‌یه‌كی خه‌زره‌جی كه‌ بریتی بوون له‌ (5) كه‌س بۆی ده‌رچوون، هه‌موویان له‌ تیره‌ی (بنی سلمة)ی خه‌زره‌جی بوون، عبدالله‌ی كوڕی عتیك سه‌رۆكیان بوو.

مه‌فره‌زه‌كه‌ ده‌رچوو به‌ره‌و خه‌یبه‌ر و ڕویانكرده‌ قه‌ڵای ئه‌بو رافع، له‌ خۆر ئاوابووندا كاتێك كه‌ نزیك بوونه‌وه‌ له‌ قه‌ڵاكه‌، خه‌ڵك به‌ره‌و حه‌وانه‌وه ‌و خه‌وتن ئه‌چوون، (عبدالله‌ی كوڕی عه‌تیك) به‌ هاوه‌ڵه‌كانی وت: له‌ شوێنی خۆتان دانیشن من ئه‌ڕۆم قسه‌ی خۆش له‌گه‌ڵ كابرای ده‌رگاواندا ئه‌كه‌م و ئه‌ڕۆمه‌ ژووره‌وه‌.

له‌ ده‌رگاكه‌ نزیك بۆوه‌ پاشان جله‌كانی له‌خۆیه‌وه‌ ئاڵاند وه‌ك بیه‌وێت سه‌ر ئاوێك بكات، له‌و كاته‌دا خه‌ڵك چوبوونه‌ ژوره‌وه‌، كابرای ده‌رگاوان هاواری لێكرد: ئه‌رێ كابرا (ئه‌ی عه‌بدی خوا) گه‌ر ده‌ته‌وێت بچیته‌ ژوره‌وه‌ وه‌ره‌ ژووره‌وه‌ چونكه‌ ده‌مه‌وێت ده‌رگاكه‌ دابخه‌م.

عبدالله ی كوڕی عتیك وتی: چوومه‌ ژوره‌وه ‌و خۆم حه‌شاردا، كه‌ خه‌ڵك هه‌موو چوونه‌ ژوره‌وه‌، كابرا ده‌رگاكه‌ی داخست و كلیله‌كانی به‌ دارێكدا هه‌ڵواسی، ده‌ڵێت: هه‌ستام كلیله‌كانم هێنا و ده‌رگاكه‌م كرده‌وه‌، (ئه‌بو رافع) له‌و قه‌ڵایه‌دا شه‌و ده‌مایه‌وه‌، له‌گه‌ڵ پێڕێكی هاوخوانی خۆیدا بوو، كه‌ پێڕه‌كه‌ی جێیان هێشت بۆی چوومه‌ سه‌ره‌وه‌، له‌ ژورێكی سه‌ره‌وه‌دا بوو، ئه‌چوومه‌ هه‌ر ژورێك ده‌رگاكه‌م له‌سه‌ر خۆم داده‌خست، له‌ دڵی خۆما وتم: ئه‌گه‌ر پێیان زانیم ئه‌وه‌ ناهێڵم ده‌ستیان بگاته‌ من و ته‌واوم بکه‌ن تا ئه‌بو ڕافع ده‌کوژم، ئیتر چووم و گه‌یشتمه‌ لای، له‌گه‌ڵ ژنه‌كه‌یدا له‌ ژوورێكی تاریكدا بوون.
نه‌مده‌زانی له‌ كوێی ژوره‌كه‌دایه‌، بانگم كرد: (ئه‌با رافع)، گوتی ئه‌وه‌ كێیه‌، بۆی چوومه‌ پێشه‌وه‌ تا له‌ شوێنی ده‌نگه‌كه‌وه‌ شمشێرێكی لێ بوه‌شێنم، به‌ڵام به‌ هیچ ده‌رچوو، ئیتر ئه‌و هاواری کرد، منیش له‌ ژوره‌كه‌ چوومه‌ ده‌ره‌وه‌و كه‌مێك له‌ نزیكه‌وه‌ وه‌ستام، پاشان چوومه‌وه‌ ژووره‌وه‌، وتم: ئه‌و ده‌نگه‌ چیبوو ئه‌بو رافع؟
وتی: دایكت به‌ دۆزه‌خ چێ، پێش که‌مێک پیاوێك له‌ ماڵه‌كه‌دا شمشێرێكی لێڕاست کردمه‌وه‌، له‌م کاته‌دا لێدانێک لێمدا که‌ چۆک بشکێنێت، به‌ڵام بۆم نه‌کوژرا، ئینجا نووكی شمشێره‌كه‌م کرد به‌ سكیدا تا له‌ پشتیه‌وه‌ ده‌رچوو، ئیتر زانیم كوشتوومه‌. ئینجا گه‌ڕامه‌وه‌.
له‌گه‌ڕانه‌وه‌مدا یه‌ك یه‌ك ده‌رگاكانم كرده‌وه‌، تا گه‌یشتمه‌ پلیكانه‌یه‌ك، قاچم دانا، لاتێک به‌ خۆمم زانی که‌وتمه‌ خواره‌وه‌و ته‌ختی زه‌ویه‌که‌ بووم، له‌و مانگه‌شه‌وه‌دا كه‌وتم و لاقم شكا، به‌ مێزه‌رێك به‌ستم، پاشان ده‌رچووم لای ده‌رگای ده‌ره‌وه‌ دانیشتم، وتم ئه‌مشه‌و ناچمه‌ ده‌ره‌وه‌ هه‌تا نه‌زانم كوشتومه‌ یان نا.
کاتێک كه‌ڵه‌شێر قووقاندنی له‌سه‌ر دیواری قه‌ڵاكه‌وه‌ باوكه‌ڕۆو برا ڕۆ بۆ (ئه‌بو رافیع) ده‌ستی پێكرد، ئه‌یانگووت: بازرگانه‌كه‌ی ڕێی حیجازم ڕۆ، خێرا گه‌ڕامه‌وه‌ بۆ لای هاوه‌ڵه‌كانم، وتم ڕزگارمان بوو، خودا ئه‌با رافیعی كوشت.
گه‌ڕاینه‌وه‌ تا گه‌یشتینه‌ خزمه‌ت په‌یامبه‌ر، قسه‌م له‌گه‌ڵدا كردوو باسی قاچه‌که‌شم بۆ كرد، فه‌رمووی قاچت راكێشه‌، قاچم درێژكرد، ده‌ستی پیرۆزی پیادا هێناو ئازاری نه‌ما وه‌ک بڵێی هه‌ر ئازاری نه‌بووبێت.

ئه‌مه‌ش ده‌قه‌ عه‌ره‌بیه‌که‌یه‌ بۆ ئه‌و که‌سانه‌ی که‌ پێویستیانه‌ به‌سه‌رچاوه‌که‌یه‌تی
مقتل سَلاَّم بن أبي الحُقَيْق‏‏
كان سلام بن أبي الحقيق ـ وكنيته أبو رافع ـ من أكابر مجرمي اليهود الذين حزبوا الأحزاب ضد المسلمين، وأعانهم بالمؤن والأموال الكثيرة ، وكان يؤذي رسول الله صلى الله عليه وسلم، فلما فرغ المسلمون من أمر قريظة استأذنت الخزرج رسول الله صلى الله عليه وسلم في قتله‏.‏ وكان قتل كعب بن الأشرف على أيدي رجال من الأوس، فرغبت الخزرج في إحراز فضيلة مثل فضيلتهم، فلذلك أسرعوا إلى هذا الاستئذان‏.‏ وأذن رسول الله في قتله ونهي عن قتل النساء والصبيان، فخرجت مفرزة قوامها خمسة رجال، كلهم من بني سلمة من الخزرج، قائدهم عبد الله بن عَتِيك‏.‏ خرجت هذه المفرزة، واتجهت نحو خيبر؛ إذ كان هناك حصن أبي رافع، فلما دنوا منه، وقد غربت الشمس، وراح الناس بسرحهم، قال عبد الله بن عتيك لأصحابه‏:‏ اجلسوا مكانكم، فإني منطلق ومتلطف للبواب، لعلى أن أدخل، فأقبل حتى دنا من الباب، ثم تقنع بثوبه كأنه يقضي حاجته، وقد دخل الناس، فهتف به البواب‏:‏ يا عبد الله، إن كنت تريد أن تدخل فادخل، فإني أريد أن أغلق الباب‏.‏ قال عبدالله بن عَتِيك‏:‏ فدخلت فكمنت، فلما دخل الناس أغلق الباب، ثم علق الأغاليق على وَدٍّ‏.‏ قال‏:‏ فقمت إلى الأقاليد فأخذتها، ففتحت الباب، وكان أبو رافع يسمر عنده، وكان في علإلى له، فلما ذهب عنه أهل سمره صعدت إليه، فجعلت كلما فتحت باباً أغلقت على من داخل‏.‏ قلت‏:‏ إن القوم لو نَذِروا بي لم يخلصوا إلى حتى أقتله، فانتهيت إليه، فإذا هو في بيت مظلم وسط عياله، لا أدري أين هو من البيت‏.‏ قلت‏:‏ أبا رافع، قال‏:‏ من هذا‏؟‏ فأهويت نحو الصوت فأضربه ضربة بالسيف وأنا دهش، فما أغنيت شيئاً، وصاح، فخرجت من البيت، فأمكث غير بعيد، ثم دخلت إليه، فقلت‏:‏ ما هذا الصوت يا أبا رافع‏؟‏ فقال‏:‏ لأمك الويل، إن رجلاً في البيت ضربني قبل بالسيف‏.‏ قال‏:‏ فأضربه ضربة أثخنته ولم أقتله‏.‏ ثم وضعت ضَبِيب السيف في بطنه حتى أخذ في ظهره، فعرفت أني قتلته، فجعلت أفتح الأبواب باباً باباً، حتى انتهيت إلى درجة له، فوضعت رجلي، وأنا أري أني قد انتهيت إلى الأرض، فوقعت في ليلة مقمرة، فانكسرت ساقي، فعصبتها بعمامة، ثم انطلقت حتى جلست على الباب‏.‏ فقلت‏:‏ لا أخرج الليلة حتى أعلم أقتلته‏؟‏ فلما صاح الديك قام الناعي على السور، فقال‏:‏ أنعي أبا رافع تاجر أهل الحجاز، فانطلقت إلى أصحابي فقلت‏:‏ النجاء، فقد قتل الله أبا رافع‏.‏ فانتهيت إلى النبي صلى الله عليه وسلم، فحدثته فقال‏:‏ ‏(‏ابسط رجلك‏)‏، فبسطت رجلي فمسحها فكأنما لم أشتكها‏.2‏
 

تۆڵه‌ی نیازێكی تیرۆركردنی موحه‌ممه‌د


له‌ ڕه‌مه‌زانی ساڵی شه‌شی کۆچیدا تیره‌ی (فزاره‌) به‌ نیازی تیرۆركردنی په‌یامبه‌ر بوون، په‌یامبه‌ریش سریه‌ی (ابی بكر الصدیق) بۆ (وادی القری)ی بۆ ئه‌وان نارد، (سلمه‌ بن اكوع) ده‌ڵێت: له‌گه‌ڵیدا چوومه‌ ده‌ره‌وه‌ نوێژی به‌یانیمان كرد و دامان به‌سه‌ریاندا، ده‌ستمان به‌سه‌ر ئاوه‌که‌دا گرت، ئه‌وه‌نده‌ی بۆی کرا ئه‌بوبه‌كر لێی كوشتن، كۆمه‌ڵێكم تیادا بینین كه‌ ژن و منداڵیان له‌گه‌ڵدا بوو، ترسام كه‌ پێش من بگه‌نه‌ شاخه‌كه‌، تیرێكم هاویشته‌ به‌رده‌میان، كه‌ تیره‌كه‌یان بینی له‌ پێش خۆیانه‌وه‌ وه‌ستان، ژنێك له‌ ناویاندابوو ناوی (ام قرفة) بوو، پارچه‌ پێستێكی ناسكی به‌سه‌ره‌وه‌ بوو، كچێكی له‌گه‌ڵدا بوو، له‌ جوانه‌ جوانه‌کانی عه‌ره‌ب بوو، هه‌موویانم دایه‌ به‌ر و هێنامن بۆ لای ئه‌بوبه‌كر، ئه‌ویش وه‌ک ده‌ستکه‌وتێکی ئه‌نفال کچه‌که‌ی پێدام، من هێشتا ده‌ستم بۆ جله‌كانیشی نه‌بردبوو، په‌یامبه‌ر هه‌واڵی كچه‌كه‌ی (ام قرفة)ی پرسی و ئیتر ناردیان بۆ مه‌ككه‌ و له‌گه‌ڵ دیلێكی مسوڵماندا گۆڕیه‌وه‌.
ئه‌م (ئوم قرفة)یه‌ شه‌یتانێكی فێڵباز بوو ده‌یویست په‌یامبه‌ر بکوژێت بكات، (٣٠)سی كه‌سی سوارچاكی خزم و نزیكی خۆی سازكردبوو بۆ كوشتنی په‌یامبه‌ر، ئه‌وه‌بوو خۆی و هه‌ر (سی) سواره‌كه‌ كوژران و به‌ سزای خۆیان گه‌یشتن.
كان بطن من فَزَارة يريد اغتيال النبي صلى الله عليه وسلم، فبعث رسول الله صلى الله عليه وسلم أبا بكر الصديق‏.‏ قال سَلَمَة بن الأكْوَع‏:‏ وخرجت معه حتى إذا صلينا الصبح أمرنا فشننا الغارة، فوردنا الماء، فقتل أبو بكر من قتل، ورأيت طائفة وفيهم الذراري، فخشيت أن يسبقوني إلى الجبل فأدركتهم، ورميت بسهم بينهم وبين الجبل، فلما رأوا السهم وقفوا، وفيهم امرأة هي أم قِرْفَة، عليها قَشْعٌ من أدِيم، معها ابنتها من أحسن العرب، فجئت بهم أسوقهم إلى أبي بكر، فنفلني أبو بكر ابنتها، فلم أكشف لها ثوبا، وقد سأله رسول الله صلى الله عليه وسلم بنت أم قِرْفَة، فبعث بها إلى مكة، وفدي بها أسري من المسلمين هناك‏.‏ وكانت أم قرفة شيطانة تحاول اغتيال النبي صلى الله عليه وسلم، وجهزت ثلاثين فارساً من أهل بيتها لذلك، فلاقت جزاءها، وقتل الثلاثون‏.‏3
له‌م باسه‌دا باس له‌ كوشتنی (أم قرفة) نه‌كراوه‌، ئه‌م شاردنه‌وه‌یه‌ زیاتر گومانی ئه‌وه‌ دروست ده‌كات كه‌ ئه‌و به‌سه‌رهاته‌ی ئه‌گێڕدرێته‌وه‌ له‌سه‌ر كوشتنه‌كه‌ی أم قرفة راستبێت، گوایه‌ به‌ ناشرینترین و قێزه‌ونترین شێوه‌ کوشتویانه‌، له‌ كتێبی ( الطبقات الكبری) باس له‌ شێوه‌ی كوشتنه‌كه‌ی کراوه‌ به‌م شێوه‌یه‌: له‌نێوان دوو حوشتردا به‌ گوریس قاچه‌كانی ده‌به‌ستن به‌ حوشتره‌کانه‌وه‌، ئینجا ڕایده‌کێشن تا له‌ شێوه‌ی هه‌ڵقڵیشاندندا ده‌یکه‌ن به‌دوو له‌ته‌وه‌.
أم قرفة وهي عجوز كبيرة فقتلها قتلا عنيفا ربط بين رجليها حبلا ثم ربطها بين بعيرين ثم زجرهما فذهبا فقطعاها4

هه‌رچه‌نده‌ باس له‌وه‌ ده‌کرێت که‌ ئه‌م سه‌رگوزشته‌یه‌ لاوازه‌، واته‌ ئاستی باوه‌ڕپێکردنی وه‌ک سه‌رگوزشته‌ صه‌حیحه‌کان نیه‌ به‌ڵام ناچێته‌ ئاستی هه‌ڵبه‌ستراوه‌وه‌.
له‌ نێوان ئه‌م سێ جۆره‌دا جیاوازی هه‌یه‌: صه‌حیح، هه‌ڵبه‌ستراو، لاواز. هه‌ڵبه‌ستراو(الحدیث الموضوع) ئه‌وه‌یه‌ كه‌ به‌هیچ شێوه‌یه‌ك ئه‌و ڕوداوه‌ ڕووی نه‌داوه ‌و به‌ درۆوه‌ دروستكراوه‌، به‌ڵام لاواز (الحدیث الضعیف) ئه‌وه‌یه‌ كه‌ هه‌ر هه‌موو بنه‌ماو مه‌رجه‌ بنه‌ڕه‌تیه‌کانی سه‌رگوزشته‌ باوه‌ڕپێکراوه‌کانی تێدا نییه‌، به‌ڵکو هه‌ندێکی تێدایه‌. كه‌واته‌ ئه‌شێت راست نه‌بێت و ده‌شێت ڕاستیش بێت.

ئه‌م چه‌ند نموونه‌یه‌ی که‌ باسمان کردن، له‌سه‌رچاوه‌ باوه‌ڕپێکراوه‌کانه‌وه‌ وه‌رگیراوه‌و جێی گومان نین، هیچ زانایه‌كی ئایینیش نه‌یتوانیوه‌ نكۆڵیان لێ بكات. هه‌مووشیان پڕن له‌ دیمه‌نی ته‌واوی كوشتارگه‌و تیرۆرکردن له‌ پێناو ده‌سه‌ڵاتدا.
هه‌موو ئه‌وانه‌ی كه‌ كوژراون به‌ پاساوی ئه‌وه‌ کوژراون که‌ دوژمنن، به‌هه‌مان ئه‌و شێوازو پاساوانه‌ی که‌ گوتاره‌ جیاجیاکانی جیهان کردویانه‌و خه‌ڵکانیان پێ خوێناوی کردووه‌.! هه‌موو، به‌ ناوی دوژمنكاری و پیلانگێڕییەوە‌ به‌رامبه‌ره‌کانیان تیرۆرو قه‌تلوعام ده‌که‌ن، موحه‌ممه‌دیش هیچ جیاوازییه‌كی نیه‌ له‌ هه‌ر سیاسییه‌كی تری خوێن رێژو ئالوده‌ به‌ ده‌سه‌ڵات.
ئه‌مه‌ له‌ كاتێكدا كه‌ موحه‌ممه‌د هیچ به‌هایه‌ك بۆ ئه‌و بیروباوه‌ڕه‌ی خۆی دانانێت كه‌ بانگه‌شه‌ی بۆ کردووه‌:

((يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ ۖ وَإِنْ لَمْ تَفْعَلْ فَمَا بَلَّغْتَ رِسَالَتَهُ ۚ وَاللَّهُ يَعْصِمُكَ مِنَ النَّاسِ ۗ إِنَّ اللَّهَ لَا يَهْدِي الْقَوْمَ الْكَافِرِينَ))5

ئه‌ی په‌یامبه‌ر‌، ئه‌وه‌ ڕاگه‌یه‌نه‌ به‌خه‌ڵکی که‌ له‌ په‌روه‌ردگارته‌وه‌ بۆت دابه‌زیوه‌، ئه‌گه‌ر وانه‌که‌ی ئه‌وه‌ ڕاسپێریه‌که‌ی خوات ڕانه‌گه‌یاندوه‌، (خه‌می هیچت نه‌بێت) خودا تۆ ده‌پارێزێ له‌ خه‌ڵکی، بێگومان خوا ڕێنموونی بێ بڕوایان ناکات.

سه‌رچاوه‌کان
.....................................................
1-الرحیق المختوم 230-231
زاد المعاد2/108
ابن هشام 2/619-620
2- الرحیق المختوم 254-256
الفتح الباری7/343
صحیح البخاری 2/577
ابن هشام 2/274-275
3- الرحیق المختوم 267
الصحیح المسلم 2/89
4- الطبقات الكبرى ـ الجزء الثاني ـ عدد مغازي الرسول وسراياه ومرضه ووفاته ـ ذكر عدد مغازي رسول الله صلى الله عليه وسلم وسراياه وأسمائها ـ غزوة رسول الله الغابة
أبو عبد الله محمد بن سعد بن منيع
5-المائدة :٦٧
.

ڕێکه‌وتی بڵاوکردنه‌وه 2012-11-29 18:36:00
به‌شی ( ئارام جه‌لال ) ئاماده‌کرد ( XwdakanX )



له‌لای, هه‌رکه‌سێکه‌وه‌, دیارده‌ی, تیرۆر, سه‌رهه‌ڵبدات, سه‌ره‌ڕای, جیاوازی, بیروڕا, جیاوازیه‌کانی, ئه‌مسه‌ری, چه‌پ, بۆ, ئه‌وسه‌ری, راست, XwdakanXوه‌ختێك, ده‌سه‌ڵاتدارێتی, ده‌بێته‌, ته‌نها, ئامانج, , كۆمه‌ڵێك, له‌, کاره‌, تیرۆرستیه‌کانی, موحه‌ممه‌د Tags





په‌خشی ده‌نگی ئازاد


مه‌ریوان هه‌له‌بجه‌یی
زنجیره‌ به‌رنامه‌ی ئاوێنه.
ڕۆژی 08/17/2017
کاتژمێر 21:00 ناوه‌ڕاستی ئه‌وروپا
فاتیح محمود احمد
فاتیح محمود احمد چیرۆکێکی تری محمد
ڕۆژی 08/11/2017
کاتژمێر 23:00 ناوه‌ڕاستی ئه‌وروپا
فاتیح محمود احمد
مێژوە خوێناویەکەی قورئان و محمد
ڕۆژی 08/09/2017
کاتژمێر 22:00 ناوه‌ڕاستی ئه‌وروپا