شۆڕش شه‌ریفزاده‌: ئه‌مه‌یه‌ پێغه‌مبه‌ر،ئه‌مه‌یه‌ قوربانی! كامه‌یه‌ سته‌مكار؟  به‌هه‌رچیرۆكێكی پێغه‌مبه‌ری ئیسلام له‌وه‌ تێده‌گه‌ین چی خزمه‌تی زیاتر به‌ مرۆڤایه‌تی ده‌كات، ئیسلام بوون یان ئاژه‌ڵ بوون.
پێغه‌مبه‌ری ئیسلام زه‌یدی كوڕی حارسه‌ی بۆ وادی ئه‌لقه‌وار ڕه‌وانه‌كرد، له‌م كاته‌دا زه‌ید ڕووبه‌ڕووی منداڵه‌كانی فه‌زاره‌ بوویه‌وه‌ و ده‌سته‌یه‌ك له‌هاوه‌ڵانی كوژران، زه‌ید به‌برینداری له‌ناو كوژراوه‌كاندا توانی خۆی ڕزگاربكات، كاتێك زه‌ید گه‌ڕایه‌وه‌ نه‌زری كرد كه‌، له‌گه‌ڵ هیچ ئافره‌تێك سێكس نه‌كات تا له‌گه‌ڵ منداڵه‌كانی فه‌زاره‌ ده‌جه‌نگێت، دوای ماوه‌یه‌ك كه‌ برینه‌كه‌ی باش بویه‌وه‌، پێغه‌مبه‌ری ئیسلام به‌سه‌رۆكایه‌تی ئه‌بوبه‌كر، زه‌یدی له‌گه‌ڵ سوپایه‌كی تایبه‌ت نارد بۆ شه‌ڕی مناڵه‌كانی فه‌زاره‌، دوای ئه‌وه‌ی كه‌وتنه‌ شه‌ڕ خه‌ڵكی زۆریان كوشت له‌ بنی فه‌زاره‌، سلمة بن الأكوع یه‌كێك له‌ هاوه‌ڵانی پێغه‌مبه‌ر له‌شه‌ڕه‌كه‌دا ده‌گێڕێته‌وه‌ كه‌، دوای كوشتاریان ده‌سته‌یه‌كم بینی له‌ منداڵه‌كانی فه‌زراه‌ كه‌ له‌گه‌ڵ ژن و منداڵه‌كانیان به‌ره‌ و كێوه‌كان هه‌ڵده‌هاتن، له‌م كاته‌دا تیرێكم بۆ نێوان ئه‌وان و كێوه‌كه‌ هاویشت و هه‌ركه‌ ئه‌مه‌یان بینی وه‌ستان، ئیتر ئه‌وانم به‌دیلی هێنایه‌ به‌رده‌م ئه‌بوبه‌كر، له‌ناویاندا ژنێك ده‌بینرا پێسته‌یه‌كی له‌به‌ركردبوو كه‌ كچه‌كه‌ی هاوه‌ڵی ده‌كرد، كچه‌كه‌ی یه‌كێك بوو له‌جوانترین ژنانی عه‌ره‌ب.
ئه‌م ژنه‌ دایكی قورفه‌ بوو وه‌ ئه‌وه‌ی هاوڕێیه‌تی ده‌كرد كچه‌كه‌ی بوو، جا وه‌ك عبدالله ی كوڕی جه‌عفه‌ر ده‌لێت: كوژرانی ئه‌و زۆر قێزه‌ون بوو، قاچه‌كانی دایكی قورفه‌یان به‌دوو ووشتره‌وه‌ به‌ست (هه‌رقاچێكی به‌وشترێكه‌وه‌) و دوتر وشتره‌كانیان غارد تا كردیان به‌ دووكه‌رته‌وه‌، له‌كاتێكدا ئه‌و پیرێكی په‌ككه‌وته‌بوو!
دوای كوشتنی ئه‌م پیره‌ژنه‌ به‌م شێوه‌ وه‌حشیانه‌، ئه‌وكات كچه‌كه‌ی كه‌له‌گه‌ڵیدابوو وه‌ جوانێكه‌ی سه‌رنجی هه‌مووموسوڵمانانی ڕاكێشاوه‌ چی لێبه‌سه‌رهات؟
سلمة بن الأكوع كه‌ ئه‌مانه‌ی دیل كردبوو وه‌ به‌دیلی ئه‌م ژنانه‌ی بردبوو بۆ ئه‌بووبه‌كر به‌شانازییه‌وه‌ ده‌ڵێت: دوای كوشتنی دایكی قورفه‌ به‌وشێوه‌، ئینجا كچه‌كه‌ی (كه‌ به‌جوانترین كچی عه‌ره‌ب ناوی ده‌هێنێ) له‌لایه‌ن ئه‌بوبه‌كره‌وه‌ ده‌به‌خشرێت به‌ سلمة بن الأكوع.
سلمة بن الأكوع ده‌ڵێت: كه كۆتاییمان به‌ به‌نی فزاره‌ هێنا ئینجا‌ گه‌ڕاینه‌وه‌ بۆ مه‌دینه‌ و پێغه‌مبه‌ر منی له‌بازاڕدا بینی له‌كاتێكدا كچه‌كه‌م پێبوو، بۆیه‌ پێی وت ئه‌ی سه‌لمه‌ خوا له‌باوكت خۆشبێت ئه‌م كچه‌ به‌من ببه‌خشه‌!
منیش وتم: سوێند به‌خوا! ئه‌ی پێغه‌مبه‌ری خودا، خۆشم ده‌وێت و هێشتا جلم له‌به‌ر دانه‌كه‌ندووه‌!
جا بۆ سبه‌ی به‌یانی دیسانه‌وه‌ پێغه‌مبه‌ر داوای له‌من كرده‌وه‌ كه‌ ئه‌و كچه‌ی پێشكه‌ش بكه‌م!
منیش كچه‌ جوانه‌كه‌م به‌ پێغه‌مبه‌ر به‌خشی!
ئێستا ده‌بێت تۆی خوێنه‌ر له‌و تێفكرینه‌دابیت ئاخۆ پێغه‌مبه‌ری ئیسلام، ئه‌م كچه‌ جوانه‌ی بۆچی بێت؟
دوای ئه‌وه‌ی دایكی به‌وشێوه‌ دڕندانه‌یه‌ پارچه‌پاره‌ چه‌كرا و هه‌رچی له‌برا و باوك و كه‌سی هه‌یه‌ قڕیان تێكه‌وت به‌ده‌ست هێزی ئیسلامه‌وه‌ به‌بڕیاری ئه‌م پێغه‌مبه‌ره‌ مرۆڤ دۆسته‌! جا ئه‌گه‌ر تۆ له‌جێی ئه‌م پێغه‌به‌ره‌ بویتایه‌ چیت ده‌كرد؟
بێگومان هه‌رئه‌وه‌ی هه‌مووكه‌س و كاری له‌ناوده‌برێت به‌به‌رچاویه‌وه‌ و دایكیشی ده‌كرێت به‌دوپارچه‌وه‌، ئیتر هیچ نییه‌ بیكه‌ی جگه‌له‌ خه‌جاڵه‌تی تا خۆكوشتن، به‌ڵام ئه‌م پێغه‌مبه‌ره‌ چونكه‌ نێردراوی خودای تاقانه‌یه‌! ده‌زانێت چۆن مرۆڤانه‌ بجوڵێته‌وه‌، بۆیه‌ ئه‌ینێرێت بۆ دوژمنه‌كانی(كافره‌كان) له‌ شاری مه‌كه‌، تا له‌به‌رامبه‌ریدا چه‌ند موسوڵمانێكی دیلكراو ئازاد بكات! (1)
ئه‌مه‌یه‌ پێغه‌مبه‌ر، ئه‌مه‌یه‌ قوربانی!

چه‌ند ڕۆژێكی تر تازێ(پرسه‌)ی ئه‌قڵی ئیسلامه‌، چونكه‌ ڕۆژی غیابی ئه‌قڵه‌ و گوێڕایه‌ڵی ئاره‌زوو ده‌بێته‌ په‌رستش.
چه‌ند ڕۆژێكی تر ڕۆژی قوربانییه‌ لای موسوڵمانان، ئه‌و ڕۆژه‌ی به‌جه‌ژنی دووه‌می موسوڵمانان دانراوه‌ كه‌ له‌هه‌رچی بچێت بۆ كۆمه‌ڵگای كوردی له‌جه‌ژن ناچێت، چونكه‌ ڕۆژی نائینسانی و نادۆستی و بێز و خوێنڕشتن و نه‌فره‌ته‌ له‌سیما و ناوكی به‌شه‌ریه‌ت.
به‌ڵام ئه‌مه‌ی ئیسلام ده‌یكات به‌ سته‌می نازانێت به‌رامبه‌ر سروشت و ئاژه‌ڵان، چونكه‌ ئه‌و پێشتر ‌ده‌قێكی به‌ناوی خوداوه‌ هێناوه‌ كه‌ ئه‌مه‌ خێره‌، ئیتر ئه‌گه‌ر مرۆڤایه‌تی و ناخی موسوڵمانێكیش هه‌ست به‌وه‌بكات له‌ڕاستیدا ئه‌مه‌ سته‌مكارییه‌، به‌ڵام له‌ هه‌قیقه‌تدا هه‌ربه‌سته‌می نازانێت، چونكه‌ خودا وتویه‌تی!
له‌م تێكه‌ڵكردن و به‌ویست پێناسه‌كردنانه‌ی چه‌مكه‌كان، موحه‌مه‌دی وا ئاراسته‌كردووه‌ كه‌ به‌ئاشكرا هه‌ڵه‌ی به‌سه‌ردا تێبپه‌ڕێت، ئه‌وكات ده‌زانیت ئه‌مانه‌ وته‌ی خودان، یان وته‌ی خودایه‌كی وه‌همی و خوێنڕێژ و نادادپه‌روه‌ره‌ هه‌روه‌ك ئه‌وه‌ی له‌باوه‌ڕی محمددا دروستبووه‌. بۆنموونه له‌قورئاندا هاتووه‌‌:
...قَالَ وَمِنْ ذُرِّيَّتِي ، قَالَ لَا يَنَالُ عَهْدِي الظَّالِمِينَ(البقرة:١٢٤)
دوای ئه‌وه‌ی ئیبراهیم تاقی كرایه‌وه‌ به‌سه‌ربڕینی كوڕه‌كه‌ی و سه‌ركه‌وتووبوو، له‌بری ئه‌مه‌ خودا ئاژه‌ڵێك له‌بری كوڕه‌كه‌ی ده‌نێرێت تا پێشكه‌شی خودای بكات و به‌ئیبراهیم ده‌ڵێت تۆ ده‌كرێیته‌ پێغه‌مبه‌ر و پێشه‌وای خه‌ڵكی، ئیبراهیم ده‌ڵێت: ئه‌م ڕێز و شكۆیه‌ به‌ نه‌وه‌كانیشم ده‌به‌خشیت؟ له‌وه‌ڵامدا ئه‌ڵڵا ده‌ڵێت: په‌یام و په‌یمانی من (په‌یامبه‌رێتی وپێشه‌وایه‌تی) بۆ سته‌مكاران نابێت.
له‌م ده‌قه‌وه‌ ده‌توانی به‌ئاسانی له‌وه‌ تێبگه‌ی كه‌، ته‌نانه‌ت كوشتن و سه‌ربڕینی منداڵه‌كه‌شت سته‌م نییه‌ ئه‌گه‌ر خودا فه‌رمانی پێدابیت! ئیتر كوشتوبڕی ئاژه‌ڵان چ هه‌ستێك بجوڵێنێ لای موسوڵمانان كه‌ به‌م جۆره‌ ده‌قانه‌ مێشكیان پڕكرابێت و بڕوایان هه‌بێت.
به‌ڵام هه‌رله‌ڕێگه‌ی ئه‌م ئایه‌ته‌وه‌ ده‌توانین ئه‌وه‌ش بزانین كه‌ خودا ( الله ) چه‌ند ڕاستگۆیه‌ و چۆن پابه‌نده‌ به‌ ناوه‌ڕۆكی ده‌قه‌كانی خۆیه‌وه‌، بۆنموونه‌:
الله وتی پێخه‌مبه‌رایه‌تی نابه‌خشرێت به‌ كه‌سانی سته‌مكار، هه‌رله‌ڕێگای ده‌قی قورئانه‌وه‌ زانایانی ئیسلامیش ده‌ڵێن: (الظالم: لايصلح أن يكون خليفة ولا حاكما ولا مفتيا ولا شاهدا ولا راويا) واته‌: مرۆڤی سته‌مكار وناهه‌قیكار، بۆخه‌لیفه‌یی و بۆداوه‌ریی و بۆموفتیی، بۆشایه‌دو، بۆگێرانه‌وه‌ی هه‌واڵ وفه‌رمووده‌ ده‌سنادات، به‌ كورتیی: پیاوی كافرو سته‌مكار- له‌ته‌رازووی ئیسلامدا- به‌كه‌ڵكی هیچ ئیش و كارێكی ئاینیی و كۆمه‌ڵایه‌تی موسڵمانان نایه‌ت.(2)
بابزانین قورئان تاچه‌ند ڕاستگۆبووه‌ له‌به‌رامبه‌ر ئه‌م به‌ڵێنه‌ی دا، داود كه‌ به‌ دادوه‌رێكی ڕاست و پێغه‌مبه‌رێكی بوێر ناسراوه‌، كاتەكانی بۆسێبەش دابەش كردبوو، ڕۆژێك بۆ دادوەری و ڕۆژێك بۆ پەرستش و ڕۆژێكیشی بۆ ژنەكانی تەرخانكردبوو، بەپێی گێڕانەوەی موسوڵمان و چیرۆكەكانی قورئان، داود 99 ژنی هەبووە، بەڵام هێشتا ئەم پەیامبەرەی خوا دڵی بۆ ئافرەتانی تر لێیداوە و تەماحی كردۆتە سەر ژنانی تریش، داود دوای ئەوەی 99 ژنی هەیە و ئارەزووی ژنێك دەكات كە هاوسەری هەیە و مێردەكەی والە سنوری فەرمانڕەوایەتی داوددا خاكەكەی دەپارێزێت، بۆیە داود دوای چەند جارێك پلان دادەنێت تا بینێرنە بەرەی شەڕ بۆ ئەوەی بكوژرێت، دواجار پلانه‌كه‌ی سه‌رده‌گرێت و دەكوژرێت و داودی پەیامبەری خودای بەدیهێنەری دونیا! هه‌ردوای ئه‌وه‌ی پیاوه‌كه‌ به‌كوشتده‌دات ئیتر ژنەكەی دەكاتە ژنی خۆی(3).
ئەوەی جێی سەرنجە دادوەری ئەم پەیامبەرە لە قورئاندا بە نموونە هاتوەتەوە و ستایشی دادوەریەكەی كراوە، بەڵام بە 99 ژن تاسەی سێكسی نەشكاوە و شەهوەت بازیەكەی بەئەندازەیەك بووە كە چاو دەبڕێتە ئەوژنە و پیاوەكەی بەكوشتدەدات كە، ئه‌م پیاوه‌ بۆبەرگری لە دەسەڵاتی داود تێدەكۆشا، به‌ڵام هه‌وه‌سی سێكسی داود به‌ئه‌ندازه‌یه‌ك بووه‌ كه‌ نه‌یتوانیوه‌ هه‌موو خزمه‌تی ئه‌م پیاوه‌ی له‌به‌رچاو بگرێت و دوای كوشتنیشی ژنەش دەكاتە ژنی خۆی!
ئەمە جگەلەوەی بەپێی وتەی قورئان پێشوەخت لەلایەن خوداوە پێی وتراوە كە تاقی دەكرێیتەوە، بەڵام لەم تاقیكردنەوەیەدا دەرناچێت و ناتوانێت دەست بەسەر هەوەسیدا بگرێت. هەرلە قورئاندا ئەوە باسدەكرێت كە، فریشتەكان لە شێوەی مرۆڤ دەچنەلای و داود ڕادەسپێرن بۆئەوەی دادوەریان بكات بەوەی یەكیان 99 مەڕی هەیە و ئەویتریان 1 مەڕی هەبووە، ئەوەی خاوەنی 99 مەڕەكەیە تەماحی كردۆتە 1 مەڕی ئەویتر و بردوویەتی، داودیش فەرمانی پێدەكات كە مەڕەكەی پێبداتەوە ئەگەرنا لوت و ناوچەوانی دەبڕێت لەبەرامبەر ئەم زوڵمەی لە برا دینیەكەی كردویەتی، جا فریشتە خۆیان دەردەخەن و پێی دەڵێن تۆ 99 ژنت هەبوو كەچی سته‌مت لە پاسەوانەكەی خۆت كرد و كوشتت و ژنەكەیت به‌سته‌مكاری هێنا و كردتە سه‌دهه‌مین ژنی خۆت (4).
بۆیە داود بەهەڵەی خۆی دەزانێت و لەخوا دەپاڕێتەوە و خوداش لێی خۆشدەبێت، بەڵام نەك هەر لەم باسەدا لێی خۆشدەبێت بگرە دەخرێتە بەهەشتیشەوە و مژده‌ی پێده‌درێت.
فَغَفَرْنَا لَهُ ذَٰلِكَ ۖ وَإِنَّ لَهُ عِنْدَنَا لَزُلْفَىٰ وَحُسْنَ مَآبٍ(ص:٢5)
هەموو ئەمانەش لە قورئاندا و لە سوری ص و ئایەتەكانی 18 بۆ 26 دا باسكراوە.
هه‌رچه‌ند داود له‌تاقیكردنه‌وه‌كه‌ سه‌ركه‌وتوو نه‌بووه‌، كه‌چی هیچ كارێك ناكاته‌ سه‌ر پێغه‌مبه‌رایه‌تێكه‌یی، ئیتر تاقی كردنه‌وه‌ بۆچی؟
ئه‌وه‌ی گرنگه‌ ئێمه‌ له‌سه‌ره‌تا وتمان له‌قورئانداهاتووه‌ كه‌ سته‌مكار نابێته‌ پێغه‌مبه‌ر، به‌ڵام هه‌رله‌و قورئانه‌دا فریشته‌كان له‌زاری خوداوه‌ سته‌مكاری داود ده‌خه‌نه‌به‌رچاوو به‌خۆیشی ڕاده‌گه‌یه‌نن كه‌ سته‌مكاربووه‌، وه‌ك خۆی سه‌باره‌ت به‌وه‌ی كردوویه‌تی ده‌ڵێت: قَالَ لَقَدْ ظَلَمَكَ بِسُؤَالِ نَعْجَتِكَ إِلَىٰ نِعَاجِهِ (ص:٢٤) واته‌: سوێند به‌ خوا بێگومان ئه‌و برایه‌ت سته‌می لێ کردوویت به‌وه‌ی ده‌یه‌وێت تاکه‌ مه‌ڕه‌که‌ی تۆ بخاته‌ سه‌ر مه‌ڕه‌کانی خۆی.
ئێستا ئه‌گه‌ر بگه‌ڕێینه‌وه‌ بۆ چیرۆكی ئیبراهیم كه‌ سه‌ره‌تا باسمانكرد، ئایا خودا ناڵێت سته‌مكار نابێته‌ پێغه‌مبه‌ر؟
قَالَ لَا يَنَالُ عَهْدِي الظَّالِمِينَ(البقرة:١٢٤) واته‌: په‌یام و په‌یمانی من (په‌یامبه‌رێتی وپێشه‌وایه‌تی) بۆ سته‌مكاران نابێت.
ئه‌ی چۆن داودی هه‌ڵبژێردراوی الله ده‌بێته‌ پێغه‌مبه‌ر و پێشه‌وا له‌كاتێكدا خۆی دانی به‌سته‌مكاریه‌‌كه‌یدا ناوه‌؟
به‌ڵام سه‌رله‌به‌ری ئه‌م هه‌ڵه‌ و نالۆژیكیانه‌ی نێو قورئان، موسوڵمان به‌بێ بیركردنه‌وه‌ و كرانه‌وه‌ی مێشك ناتوانێت دانی پێدا بنێت، چونكه‌ دواجار پێی وایه‌ قورئان وته‌ی خودایه‌، هه‌روه‌ك ئه‌وه‌ی بۆ هه‌ر هه‌ڵه‌ و تێكه‌وتنێكی محمد له‌قورئاندا بڕواداران یان هه‌ر محمد خۆی به‌ لایه‌كی ویژدانیه‌وه‌ ده‌یبه‌ستنه‌وه‌ و موسوڵمان وائاراسته‌ده‌كه‌ن ئه‌مانه‌ش تاقی كردنه‌وه‌یه‌كی ترن بۆ تۆی موسوڵمان، یان به‌شێوه‌یه‌كی تر لەهەندێك گێڕانەوەدا بۆ پەردەپۆشكردنی ئەم تاوانەی داود لەبەرئەوەی پەیامبەر بووە، دەڵێن: ئەوژنە دایكی سلێمان بووە(5)،
واتە لێرەوە بابەتەكە دەگوڕێت بۆ موعجیزەیەكی خوایی، بەڵام ئەم پەردەدار كردنە هیچ واتایه‌كی نییه‌ جگه‌له‌ خۆ فریودانێكی بێ پاساو، هه‌رچه‌ند ئه‌گه‌ر ئه‌مه‌ش ڕاست بێت ئه‌وه‌ هیچ كات نابێته‌ به‌ڵگه‌ بۆ ئه‌وه‌ی قورئان هه‌ڵه‌یه‌كی دیاری كردووه‌ له‌و دوو ئایه‌ته‌ی باسمانكرد، خۆئه‌گه‌ر ئه‌م سته‌مه‌ی داود كردوویه‌تی پاشایه‌كی بێباوه‌ڕ بیكردایه‌ نه‌ك دادوه‌رێكی نێردراو له‌لایه‌ن خوداوه‌، ئه‌وه‌ ده‌كرایه‌ په‌ند و سته‌مكاریه‌كه‌ی ده‌كرایه‌ باسێكی پڕ له‌ سۆزداری بۆ پیاهه‌ڵدان به‌ یاسای خودا و په‌یام و پیاوه‌كانیه‌وه‌.
جگه‌ له‌مانه‌ش ئێمه‌ ده‌پرسین ئایا هیچ ئاژه‌ڵێكتان دیوه‌ 99 مێی له‌خۆی كۆكردبێته‌وه‌؟ تا چاویشی بڕیبێته‌ مێیه‌كی تر و نێرێكی له‌پێناودا كوشتبێت؟ خوێنه‌ری به‌ڕێز واهه‌ستمه‌كه‌ بمه‌وێت سوكایه‌تی بكه‌م به‌م ده‌ربڕینه‌، من ده‌مه‌وێت ئه‌وه‌ بخه‌مه‌ڕوو ته‌نانه‌ت ئه‌مه‌ی قورئان چاوپۆشی لێده‌كات تۆ له‌ هیچ ئاژه‌ڵێكیشی به‌ڕه‌وا ده‌بینی؟
ئێستا پێویسته‌ بزانین ئیسلام چی به‌ سته‌م نازانێت، تاوانێكی وه‌ها!، ئیتر چۆن ده‌توانێت له‌سته‌می كوشتنی ئاژه‌ڵان تێبگات و به‌ناڕه‌وای بزانێت؟
كه‌سێك ئاماده‌بێت مرۆڤ بكوژێت، ژیانی ژن بكوژێت، خه‌ڵك كۆیله‌ بكات، كچ به‌منداڵی هه‌رله‌ شه‌ش ساڵان به‌شوبدات وه‌ك ئه‌وه‌ی محمدی پێغه‌مبه‌ری ئیسلام كردی، ئیتر كوشتنی ئاژه‌ڵ چییه‌ كه‌ موسوڵمان له‌زه‌ت له‌ ناڵه‌ و هاواری ده‌كات و چێژ له‌ بۆنی خوێنه‌كه‌ی ده‌كات، مێشكی ئاسوده‌ده‌بێت به‌ پارچه‌كردنی لاشه‌كه‌یی و سه‌رئه‌نجامیش ئه‌گه‌ر له‌پرۆسه‌ی قوربانیدا بێت هیوای پێده‌بخشێت بۆ به‌هه‌شت؟
پێناسه‌ی خێر له‌م ئایینه‌دا بریتتیه‌ له‌هه‌رشتێك ئیسلام بڕیاری له‌سه‌ردابێت و موسوڵمان پێی هه‌ڵستێت، بۆیه‌ ده‌بێت به‌رله‌وه‌ی نیشانه‌ی خێر له‌م كوشتاره‌دا بدۆزیته‌وه‌ خێر خۆی شی بكه‌یته‌وه‌، بۆنموونه‌ به‌ردبارانكردن تا مردنی كه‌سی به‌ناو زیناكار له‌لایه‌ن تۆی موسوڵمانه‌وه‌ خێره‌ !
یان سه‌ربڕینی كه‌سێكی موسوڵمان كاتێك له‌دین لاده‌دات و ئه‌م ئایینه‌ ئیتر قبوڵ ناكات، ئه‌وكات ئه‌گه‌ر تۆش ئه‌وت قبوڵ نه‌كرد و به‌و شێوه‌ نائینسانییه‌ له‌ملتدا ئه‌وه‌ش خێره‌ !
یان ئه‌گه‌ر له‌شه‌ڕی ناموسوڵماناندا سه‌ركه‌وتیت ئه‌وه‌ هه‌رچی ماڵ و منداڵ و ژنیان هه‌یه‌ ئه‌وه‌ ده‌بنه‌ موڵكی تۆ و كه‌س و كاریان ڕاسته‌وخۆ ده‌بنه‌ كۆیله‌ و كه‌نیزه‌ی تۆ و تۆش چۆنت ویست به‌كاریان بهێنه‌ ئه‌مه‌ش هه‌ر خێره‌ ! كه‌ پێغه‌مبه‌ری ئیسلام خۆی هه‌میشه‌ له‌نێو ئه‌م ده‌ستكه‌وتانه‌ی شه‌ڕدا ژیاوه‌.
ئه‌وه‌ بڕوا به‌زانست مه‌كه‌ كه‌ باسی دروستبوونی زه‌وی له‌ ملیاران ساڵدا ده‌كات و له‌ زانكۆبه‌ناوبانگه‌كاندا كاری له‌سه‌رده‌كرێت و زاستمه‌ندانی ئه‌مڕۆ ده‌یسه‌لمێنن، به‌ڵكو ڕاسته‌وخۆ بڕوا به‌وه‌ بكه‌ كه‌ ئه‌م زه‌وییه‌ له‌ شه‌ش ڕۆژدا دروستكراوه‌ به‌هه‌رچی له‌سه‌ر و خواریه‌وه‌ ده‌ژی!
هه‌رگیز بڕواش به‌وه‌نه‌كه‌ی مرۆڤ به‌پله‌و قۆناغی جیاواز بوه‌ته‌ ئه‌م مرۆڤه‌ی ئه‌مڕۆ و واز له‌ لێكۆلینه‌وه‌كانی مرۆڤناسانیش بهێنه‌، ئه‌گه‌ر ته‌نها بڕوا به‌وه‌ بكه‌ی خودا له‌قوڕ شكڵی ئه‌م مرۆڤه‌ی نه‌خشاندووه‌ ئه‌و یه‌كێكه‌ له‌ خێره‌ گه‌وره‌كان!
هه‌رگیز بڕوا به‌وه‌نه‌كه‌ی ژنیش وه‌ك پیاو یه‌كسان هاتونه‌ته‌ بوون، ده‌بێت بڕوا به‌وه‌بكه‌ی پیاو له‌قوڕ و ژن له‌ په‌راسووی پیاو دروستكراوه‌.
مرۆڤ هه‌رله‌یه‌كه‌م ساتی بونیه‌وه‌ قسه‌ی كردووه‌، ئه‌مه‌ خێرێكی گه‌وره‌ی هه‌یه‌ له‌به‌رامبه‌ردا خراپه‌ده‌كه‌ی بڕوا به‌وه‌بكه‌ی زانست ده‌ڵێت قسه‌كردنی مرۆڤ هه‌زاران و به‌ ملێۆن ساڵی پێچووه‌ !
ئیتر خێری له‌م جۆره‌ زۆره‌ له‌ئیسلامدا و تاده‌گاته‌ كوشتنی ئاژه‌ڵان بۆ قوربانی كه‌ ئه‌میش له‌دیدی ئه‌م ئایینه‌دا هه‌ر خێره، به‌ڵام كاتێك ده‌گه‌یته‌ ئه‌و ئه‌نجامه‌ی موسوڵمان سه‌رجه‌می ئه‌و نامرۆڤایه‌تی و نازانستی بونه‌یان به‌لاوه‌ خێربێت كه‌ پرێتی له‌ نه‌فامی و خۆ گێلكردن یان گێلكراوی بوون، ئیتر تێگه‌یشتن له‌ نه‌كوشتنی ئاژه‌ڵ چی بێت كه‌من بمه‌وێت بیخه‌مه‌ڕوو؟
من لێره‌وه‌ ته‌نها داوای یه‌ك به‌ڵگه‌ی زانستی ده‌كه‌م له‌سه‌ر ئه‌وه‌ی مرۆڤ بونه‌وه‌رێكی گۆشتخۆربێت، چجای ئه‌وه‌ی پرۆسه‌ی سه‌ربڕین و له‌خوێن گه‌وزاندنی ئه‌و هه‌موو ئاژه‌ڵه‌ له‌م ڕۆژه‌دا فه‌رمانی خودابێت، ئه‌ڵبه‌ت فه‌رمانی ئه‌و الله یه‌یه‌ كه‌ دروستكراوی وه‌همی پێغه‌مبه‌رێكی خوێنڕێژ و بێ ویژدانه‌، بۆیه‌ خوداش هه‌مان سیفه‌تی محمدی هه‌ڵگرتووه‌، محمد له‌ناوچه‌یه‌ك ژیاوه‌ نا ئینسانی نه‌ریتیان بووه‌، به‌رله‌وه‌ی ئیسلامیش هه‌بێت، كابه‌(ماڵی خودا) له‌لایه‌ن قوره‌یشێكانه‌وه‌ به‌هه‌مان بۆنه‌ پڕكراوه‌ له‌لاشه‌ی سه‌ربڕاوی ئاژه‌ڵان له‌ هه‌ڵمه‌تی قوربانیدا.
ئیسلام وه‌ك ئه‌وه‌ی نرخی ئینسان بوون له‌ موسوڵمان ده‌سێنێته‌وه‌ و ده‌یكاته‌ ئه‌و بونه‌وه‌ره‌ شه‌ڕانگێز و ڕق ئه‌ستوره‌ی شتێك بۆ مرۆڤایه‌تی نه‌هێڵێته‌وه‌، هاوكات واشی ڕاده‌هێنێت كه‌ هه‌مووبه‌رنامه‌یه‌ك هه‌ڵه‌یه‌ جگه‌له‌ به‌رنامه‌ی ئه‌م ئایینه‌، بۆیه‌ به‌گشتی هیچ كات له‌كۆمه‌ڵگایه‌كی وه‌هادا تانه‌ له‌خودی مرۆڤه‌كان نییه كه‌ موسوڵمانن‌ ئه‌وه‌نده‌ی به‌رامبه‌ر پیاوانی ئایینیه‌.
زۆرجار پیاوانی ئایینی و بانگوازی ئایینی ده‌كرێت پزیشكێك بێت، بۆیه‌ لێره‌وه‌ داوای یه‌ك به‌ڵگه‌ی زانستی پزیشكی ده‌كه‌م كه‌ هه‌رچی ئه‌وه‌ی بۆ له‌شی مرۆڤ پێویستبێت له‌ڕوه‌كه‌كاندا نه‌بێت و هاوكات خواردنی گۆشت ده‌ردێك نه‌بێت بۆ مرۆڤ، هه‌روه‌ها ته‌نها به‌ڵگه‌یه‌كمان پێبده‌ن له‌سه‌ر ئه‌وه‌ی سه‌ربرینی ئاژه‌ڵێك و مرۆڤێك وه‌ك یه‌ك نه‌بێت.
به‌ڵام بۆ ئایینێك سه‌ربڕینی مرۆڤیشی نه‌ك لا ئاسایی بێت و بگره‌ خێریش بێت، ئیتر به‌راوردكاری بۆ لێكچوونی نێوان مرۆڤ ئاژه‌ڵ سودێكی نییه‌، له‌كاتێكدا بڕوادار پێی وایه‌ هه‌موو ئه‌مانه‌ بۆ خزمه‌تی ئه‌و دروستكراون، به‌ڵام پێویسته‌ ئه‌م بڕواداره‌ له‌وه‌ تێبگات پێغه‌مبه‌ره‌كه‌ی له‌چ ئاستێكی به‌رزی ویژداندا ئه‌م ئایینه‌ی دروستكردووه‌ و ڕه‌وایه‌تی به‌م ڕۆژه‌ی قوربانیش داوه‌.
هه‌رگیز وابیرنه‌كه‌یته‌وه‌ ئاژه‌ڵێكی گۆشتخۆر بێچوویه‌ك ڕاوده‌كات سته‌ی كردووه‌، چون ئه‌گه‌ر وانه‌كات ناژێت، به‌ڵام بیربكه‌ره‌وه‌ پێغه‌مبه‌رێك بۆ دوای ئه‌وه‌ی دایكێك ده‌كوژێت منداڵه‌كه‌شی ده‌فرۆشێت به‌ دوژمنه‌كه‌ی!


په‌راوێز:
1- ( تەواوی مێژوو، ن. ابن اسیر- و. زاهیرمحمد، ب3- لا1013 + (تەبەری، ن. محمد بن جرير الطبري، و. زانه‌ر محمد – ب3-لا1121 )
2- ته‌فسیری ڕامان، البقرة، 124.
3- ( تەواوی مێژوو، ن. ابن اسیر- ب1- لا249 )
4- ( ته‌واوی مێژوو، ن. ابن اسیر- ب1- لا250 )
5- (تەبەری، ن. محمد بن جرير الطبري، و. زانه‌ر محمد - ب2-لا414 )


 

 
ڕێکه‌وتی بڵاوکردنه‌وه 2013-10-20 14:40:00
به‌شی ( شۆڕش شه‌ریفزاده‌ ) ئاماده‌کرد ( شۆڕش شه‌ریفزاده‌ )



به‌هه‌رچیرۆكێكی, پێغه‌مبه‌ری, ئیسلام, له‌وه‌, تێده‌گه‌ین, چی, خزمه‌تی, زیاتر, به‌, مرۆڤایه‌تی, ده‌كات, ئیسلام, بوون, یان, ئاژه‌ڵ, بوونشۆڕش, شه‌ریفزاده‌شۆڕش, شه‌ریفزاده‌, ئه‌مه‌یه‌, پێغه‌مبه‌رئه‌مه‌یه‌, قوربانی, كامه‌یه‌, سته‌مكار Tags





په‌خشی ده‌نگی ئازاد


مه‌ریوان هه‌له‌بجه‌یی
زنجیره‌ به‌رنامه‌ی ئاوێنه.
ڕۆژی 08/17/2017
کاتژمێر 21:00 ناوه‌ڕاستی ئه‌وروپا
فاتیح محمود احمد
فاتیح محمود احمد چیرۆکێکی تری محمد
ڕۆژی 08/11/2017
کاتژمێر 23:00 ناوه‌ڕاستی ئه‌وروپا
فاتیح محمود احمد
مێژوە خوێناویەکەی قورئان و محمد
ڕۆژی 08/09/2017
کاتژمێر 22:00 ناوه‌ڕاستی ئه‌وروپا